مرتضى منصور يقلب مواقع التواصل الإجتماعي بمقطع فيديو للرد على منعه من دخول الزمالك وتعيين لجنة مؤقتة

مهاب ممدوح
قلب المستشار مرتضى منصور ، رئيس نادي الزمالك ، مواقع التواصل الإجتماعي بعد نشر مقطع فيديو عبر قناته على اليوتيوب للرد على الشائعات التي روجت حول منعه من دخول نادي الزمالك خلال الساعات الماضية.

قال المستشار مرتضى منصور في تصريحاته: "فريق الطايرة فريق رجالة وبسميهم كوماندوز، السنة دي شرفتونا وفي السلة شرفونا وفي انتظار ان اليد تشرفنا في افريقيا، لما الثنائي المحترف مشي قالوا مفيش دوري طايرة لكن بعظمة وقتال لاعيبة الزمالك حصدتم الدوري وفاضلكوا خطوة واحدة لحصد الكأس".

أضاف مرتضى منصور : "اعملوا كل جهدكم والتوفيق من عند ربنا، اعملوا اللي عليكوا، المهم تلعبوا بغض النظر عن النتيجة، العبوا بشكل كويس وده اللي يهم جمهور الزمالك
"واصل منصور : "حد ضرب اشاعة كدة وقالك مرتضى ممنوع من دخول النادي، لكن انا حرصت على النزول دلوقتي، وشكلي هجيب امن خاص عشان يمنع بتوع الاشاعات يدخلوا النادي"
وتابع رئيس الزمالك : "الضرب مش فيا الضرب في نادي الزمالك اللي عنده ماتش مهم في كاس مصر ضد الاهلي طايرة، وكمان ماتش سيراميكا، اللي زادت اهميته بخسارة فيوتشر من الداخلية والفرق هيبقى 6 نقط لو كسبنا
وندخل افريقيا خاصة ان لسة عندنا ماتش ضد فيوتشر نفسه.
"وأتم مرتضى منصور : "الاهلي عمال يتزق ويتنفخ ولو الاهلي عايز 50 الف يدخله 100 الف، لكن احنا لازم نتحارب، بالنسبة لاخبار اللجنة المؤقتة ازاي محمد الاتربي رئيس البنوك هيبقى مدير مالي، وهشام نصر اللي موقوف هيجي في اللجنة المؤقتة ازاي يا جماعة، بلاش نشير الأخبار الكذب، أنا عشر سنين كنت برا نادي الزمالك، النادي نزل تحت مكنتش لقيت نادي، كل الأخبار والأسماء اللي اتقالت للجنة غلط، لجنة ايه منا مكمل شغلي وباجي اهو".
واختتم مرتضى منصور : "صرفنا جزء من مستحقات لعيبة الطايرة الرجالة،
والخطيب داخل الصالة في ماتش طايرة البنات، بعد ما لعيبة الزمالك تاخد الميداليات هي دي الروح الرياضية، الحكم بتاع عزلي موقوف بالقانون لان في إستشكال، لكن بلاش تزهقوني، وعادل صبري هو اللي مسرب خبر واسماء بتوع اللجنة المؤقتة الخبر الكاذب والغير الصحيح".