مرتضى منصور ..الزمالك أنهى صفقتين سوبر من اللاعبين الأجانب ويوجه رسالة إلى الخطيب الحرب بيني وبينك لنهاية العمر

مرتضى منصور لن أعلق على أحكام القضاء وسأتقدم إلى التفتيش القضائي
مهاب ممدوح
علق المستشار مرتضى منصور ، رئيس نادي الزمالك على الحكم الذي صدر ضده بالحبس لمدة شهر مشددا على أن هذا الحكم ليس له تأثيرا على رئاسته لنادي الزمالك.
قال مرتضى منصور في تصريحاته عبر قناة الزمالك: "أنا مش هتكلم على حكم قضائي كل الأحكام القضائية بتُحترم مضيفا : في تفتيش قضائي وكل الأحكام تُحترم" .
أضاف: "محدش هيستفزني ولن أجرؤ على التعليق على أي حكم قضائي والحكم اللي صدر ليس له أي تأثير على رئاستي لنادي الزمالك والقانون بيقول إن اي حبس من 24 لثلاثة أشهر يمكنني تقضية المدة في البيت أو المستشفى واللي بيحصل ميهزش شعرة من راسي والوحيد اللي فلت منه الملك فاروق لاني مكنتش اتولدت ايام ما كنت في السجن كنت حاكم السجن بصحيهم من 9 الصبح"
مرتضى منصور يعلن عن صفقة جديدة للزمالك

أعلن المستشار مرتضى منصور ، رئيس نادي الزمالك عن نجاح الإدارة فى حسم صفقتين من اللاعبين الأجانب

وأوضح منصور إنه تم حسم الصفقة اليوم وأخرى بالأمس بشكل رسمي اليوم.
قال مرتضى منصور ، في تصريحاته عبر قناة الزمالك: "الأحكام القضائية لسة في نقض واستئناف وفي تفتيش قضائي لو في أخطاء سلوكية وده بنلجأله برضو"
أضاف: "استلمنا قناة نادي الزمالك بشكل رسمي من الشركة المتحدة واكبر نسبة مشاهدة في كل القنوات قناة الزمالك من شهرين بس ومعندناش اي أزمة مع الدولة احنا في ظهر مصر وسند لمصر"
واصل:"بقول الخطيب مفيش تنازل أو تصالح وبدأت المعركة الجدية بيني وبينك طول العمر وانا واخد براءة من نفس القاضي اللي حكم انهاردة في شهر 4"
وأضاف: "من بكرة بنعمل شركة الزمالك للإعلان والاعلام وعندنا فلوس نقبض كل الموظفين وبالنسبة للناس الشمتانة وفرحانين مرتضى هيتحبس بقولهم يا عيني يا ماما خايف اوي، بقولكم الوحيد اللي فلت منه الملك فاروق وفي الوقت المناسب هنحكي ايه اللي حصل"
وقال: "امبارح خلصنا صفقة والنهاردة كمان خلصنا صفقة كمان والزمالك هيجيب احسن واقوي صفقات وجمهور الزمالك ميغلاش عليه حاجة ومش عايز اقولك على حب جمهور الزمالك الحكم اللي صدر خدمني خدمة العمر مكنتش اعرف اني محبوب اوي كدة"..