قرارات عاجلة من مجلس إدارة نادي الزمالك لتصحيح مسار فريق الكرة قرر المستشار مرتضى منصور رئيس مجلس إدارة نادي الزمالك خصم 250 ألف جنيه من كل لاعب بالفريق الأول لكرة القدم بالزمالك وخصم نصف شهر من راتب المدير الفني الفرنسي باتريس كارتيرون وجهازه المعاون.
كما قرر رئيس نادي الزمالك عرض 2 لاعبين للبيع. وتأتي تلك القرارات بعد المستوى السيئ الذي ظهر عليه الفريق في بطولة كأس رابطة الأندية.
فاروق جعفر يكشف اخطاء كارتيرون ولاعبي الزمالك
هاجم فاروق جعفر نجم الزمالك الأسبق، باتريس كارتيرون المدير الفني للفريق الأول لكرة القدم بعد خسارة الفريق من غزل المحلة بثلاثية نظيفة في الجولة الثالثة من دور المجموعات لكأس الرابطة المصرية.
وقال فاروق جعفر في تصريحاته عبر أون تايم سبورتس: "كارتيرون مش عارف يستفيد من كأس الرابطة، ولما لقى نفسه خسران 2 نزل 3 لاعيبة صغيرة، عشان يتقال إنه بيلعب بالناشئين، طب ما من الأول حدد هدفك من البطولة، سواء الاستفادة من الناشئين أو لا" أضاف: "كارتيرون ادى لاعيبة الزمالك اجازة 8 أيام وطويلة، وادالهم رسالة ان البطولة دي مش مهمة، كارتيرون مش في دماغه البطولة كنت متشاركش، كان لازم تستفيد منها حتى لو مش هتكسب لازم الادارة تتكلم مع كارتيرون عشان يستفيد من البطولة ومش مقتنع بكلامه وايه المشكلة لما يقول انه غلط انه معملش فترة اعداد ومدفعش بخمس او ست ناشئين ووصلت لاعيبة لحالة من الإحباط". وختم حديثه قائلا: "بعض لاعيبة الزمالك بياخدوا فلوس ميستاهلوش نصها، لازم تبقى قد القميص اللي انت لابسه وبتلعب بنفس الروح في أي مباراة ولولا عواد انهاردة ضد المحلة كان الزمالك خسر 6 أو 7 "