وجه البرتغالي باتشيكو المدير الفني للفريق الأول لكرة القدم بنادي الزمالك التهنئة لمسؤولي استاد القاهرة على حالة الملعب الجيدة، موضحا أن هذه الملاعب تساعد اللاعبين على تقديم كرة جيدة، موضحا أن فريقه قدم مباراة جيدة أمام الاتحاد السكندري وهو فريق منظم وقال باتشيكو انه يهني إدارة ستاد القاهرة على الملعب لان الملاعب دي بتساعد على تقديم كرة جيدة لعبنا مباراة جيدة امام فريق منظم وكان هدفنا برضو الفوز خلقنا فرص كتير قبل الطرد وبعده ولكن بعد الطرد الامور كانت صعبة لانهم خسروا مهاجم التنظيم الدفاعي بتاعهم زي ما هما متعودين نحترم الخصم وكنا متأكدين اننا مش عارف ايه حاسس ان في ناس كتير مش بتحب زيزو مع ان في لاعيبة تانية مستواها بينزل ومحدش بيتكلم .. زيزو من نوعية اللاعيبة اللي بيشتغل في أماكن كتير في الملعب وانا بثق في قدراته جدا هو الشوط الاول يمكن تراجع شوية لكن قدر يقدم شوط تاني جيد طبيعي اي لاعب لما بيجي له عرض احتراف بيقل تركيزه شوية والعاطفة بتغلب عليه يعني على سبيل المثال مكنتش حابب مصطفى محمد يمشي ولكن دي كانت رغبته وده ممكن أثر على زيزو شوية . مبسوط بخلق الفرص وده مهم بالنسبة لي واحراز الهدف بيبقى الاصعب عشان كدة سعرهم بيبقوا أكتر في حاجة مكنتش عايز اتكلم فيها في 8 ماتشات دخل فينا هدفين وفي اخر ماتشين دخل 3 .. اللي عايز اقوله ان الفرق اللي بتسجل كتير بتكسب ماتشات مش بطولات المهم بالنسبة لي اني ابقى واقف دفاعيا كويس واسجل هدفين مش اربعة اكسب بهم ال3 نقط في لاعيبة ممكن تتألق على الملعب ده ولاعيبة متقدرش وده اللي حصل في ماتش المحلة اللي فات .. لازم هيبقى في تفكير في النقطة دي والفريق عنده لاعيبة كتير مميزة وخسارة النقاط طبيعي . وقال المدير الفني لفريق الزمالك، مبسوط باحراز مصطفى محمد هدف في مباراته أمس وده بيدي انطباع بكواليتي اللاعيبة الجيدة .. اول ما جيت مصطفى قالي عندي عرض عايز امشي ممكن تديني الفرصة قولت له انا لسة جاي ساعدني الاول في الملعب وبعدين نناقش الموضوع ده . الزمالك يعلن إصابة عبد الله جمعة بشد في العضلة الخلفية
كشف الدكتور محمد أسامة طبيب الفريق الأول لكرة القدم بنادي الزمالك عن إصابة عبد الله جمعة الظهير الأيسر للفريق بشد في العضلة الخلفية خلال مباراة الاتحاد السكندري اليوم في الجولة الثانية عشر لمسابقة الدوري المصري الممتاز.وشدد الطبيب على أن إصابة اللاعب بسيطة وسيخضع لفحوصات طبية خلال الساعات القليلة المقبلة للوقوف على حجم الإصابة وتحديد مدة غيابه عن الفريق.
وفاز الزمالك على الاتحاد بثنائية ، الفوز رفع رصيد الفريق الأبيض إلى 26 نقطة يحتل بهم صدارة الدوري، في حين يتوقف رصيد الاتحاد عند 11 نقطة يحتل بهم المركز الحادي عشر. الجزيري: انضممت للزمالك لحصد البطولات
أعرب التونسي سيف الدين الجزيري مهاجم فريق الكرة الأول بالنادي عن سعادته بترحيب جماهير الزمالك به خلال الايام الماضية، عقب انضمامه للفريق قادما من المقاولون العرب.أضاف الجزيري بعد مباراة الاتحاد السكندري التي شارك بها اليوم لأول مرة مع الفريق، أنه يحمد الله على المكسب مشددا على أنه جاء للزمالك من اجل الفوز بالبطولات وليس خوض المباريات فقط.وفاز الزمالك على الاتحاد مساء اليوم في الجولة الثانية عشرة للدوري الممتاز على استاد القاهرة ووصل للنقطة 26 ليواصل تصدر البطولة.
