تمرد مصطفى محمد يشعل بركان الغضب .. وعبد العال: مفيش دكر في الزمالك ولجنة الكرة تنفذ مخطط تدمير الفريق

حالة من الغضب سيطرت على جماهير الزمالك عبر مواقع التواصل الاجتماعي وذلك من اللاعب مصطفى محمد مهاجم الفريق الأول لكرة القدم بنادي الزمالك.
يأتي ذلك في ظل إصرار اللاعب على خوض تجربة الاحتراف الخارجي بعد الجلسة التي عقدها مع أيمن يونس والذي أعلن من خلالها إصراره بالفعل على خوض تجربة الاحتراف وعدم الاستمرار في صفوف الفريق الأول لكرة القدم بنادي الزمالك.
جماهير الزمالك عبر مواقع التواصل الاجتماعي قارنت بين موقف فرجاني ساسي اللاعب المحترف الذي يُصر في الوقت الحالي على الاستمرار في الزمالك بعد الحصول على مستحقاته المتأخرة ويرغب في التجديد وموقف مصطفى محمد الذي تربى بين جدران النادي ومن المفترض أن يقف بجوار النادي في مثل تلك الظروف الصعبة.
البعض أشار إلى أن مصطفى محمد ينكر جميل الزمالك عليه والبعض يرى أن اللاعب من حقه الاحتراف خاصة أن العروض الموجهة له مغرية.
وكتبت إحدى الصفحات الخاصة بجمهور الزمالك:
شتان الفارق بين لاعب أجنبي هو اللي بيدور علي المسئولين عشان يجدد برغم موهبته الكبيره ودوره العظيم.. وبين من يدعون أنفسهم أبناء النادي الي عاوز يمشي واللي عاوز فلوس اضعاف اضعاف ويارتهم عملو حاجه يستحقو عليه مطالبهم
وكتبت أميرة جلال إحدى مشجعات الزمالك:
مش كل اللي احترفوا زادوا في ناس رجعت مصر اقل ماسافرت بيحاولوا يرجعوا لما كانوا عليه ويلفوا على النوادي وبيرضوا باقل حاجة مش هنقول أمثلة انتو عارفين
وكتب محمد الفقي:
سبحان الله يبقي كل واحد بيدور علي مصلحته ويستخسر في الناس انها تعمل كده.....الزمالك عمل مصطفى ويقدر يعمل غيره والزمالك مبيقفش علي حد..... وبعدين ده فشل من الاداره انها مش عارفه توفر بديل لمصطفي.... واخيرا ربنا يوفقه سواء كمل معانا او احترف
وكتب وائل رشاد:
من حقو يحترف واحد شايف الناس عاملة ضجة وشهرة لمحمد صلاح وحب جمهور عالمى هو كمان نفسو يبقه زية أحتمال ينجح فى الاحتراف وبعدين هو شخصية محترمة ومابقصر فى الملعب ان شاءالله ربنا يكرمة

اقرأ أيضًا:
شوبير يكشف فضيحة منتخب الشباب واسرار فى ازمة مصطفى محمد وموقف الأهلي من صفقة أوباما. مفاجأة

الزمالك يمنح الرباعي قبلة الحياة ويرفض إتهام مصطفى محمد بالخيانة والاباتشى يحتفل بعيد ميلاد أدم صور



رضا عبد العال: مصطفى محمد متمرد ومفيش دكر في الزمالك .. ولجنة الكرة تنفذ مخطط تدمير الفريق
أكد رضا عبد العال، المدير الفني للفريق الأول لكرة القدم بنادي طنطا، تمرد مصطفى محمد مهاجم الزمالك الواعد الزمالك من أجل الموافقة على احترافه.
وقال "عبد العال" خلال لقائه ببرنامج "اللعيب" الذي يقدمه الإعلامي مهيب عبد الهادي بقناة "إم بي سي مصر": "إحنا كنا بندلل عليك يا مصطفى علشان ترجع منتخب مصر وحسام البدري يضمك ولما تقف على رجلك عايز تحترف".
وتابع: "مفيش دكر في إدارة الزمالك يقدر ياخد قرار احتراف مصطفى محمد، والدكر اللى كان يقدر ياخد القرار مرتضى منصور ومشي خلاص"، لافتًا إلى أن الذين يديرون الكرة في نادي الزمالك ينفذون أجندة لتدمير الفريق.
وأكمل: "ولاد نادي الزمالك للأسف هم اللى بيوقعوا في النادي.. الله يكون في عون جماهير الزمالك.. ساسي بقاله سنة بيشحت كورة مش إنت اللى تعمل كده مع الزمالك والنادي هو اللى عملك.. والزمالك مش هيقف على ساسي ولا أوباما ولا بن شرقي، واللي عايز يمشي يجيب عرض كويس علشان نحل الأزمة المالية في النادي".
واستطرد: "لازم ناخد إجراء ضد فرجاني ساسي ومصطفى محمد حال تمردهما وعدم حضورهما التمرين.. إحنا مش بنلعب في مركز شباب، واللى بيتمرد بقولك على إيه لا أخدتوا دوري ولا كأس ولا بطولة افريقيا".
وتابع: "بقول لمصطفى محمد إنت مش مكسوف من محمد شريف اللى جايب أهداف أكتر منك الموسم اللى فات وهو كان بيلعب في إنبي ودلوقتي أحسن منك.. إنت لما كنت في طلائع الجيش كنت بتتمنى تلعب للزمالك ودلوقتي بتتنمرد على الزمالك عشان تحترف.. الزمالك له فضل على أي حد، ولو اللى بيعمله مصطفى محمد في الأهلي كانت اتقطعت رقبته".
ولفت إلى أن مشكلة نادي الزمالك منذ أن كان لاعبًا داخل القلعة البيضاء تكمن في الصراع على الكرسي، مؤكدًا أنه ليس بديلًا لحل أزمات النادي الحالية إلا عودة مرتضى منصور أو إجراء انتخابات بشكل مبكر.


اقرأ أيضًا:
ايمن يونس كلنا فى مركب واحد ولن نعيد كابوس 2005 ويكشف تفاصيل جلسة الوزير مع ساسي وموقف الزمالك من رحيل مصطفى محمد