فتح رضا عبد العال ، النار على لاعبي الزمالك بعد الهزيمة من طلائع الجيش ، بثلاثة أهداف مقابل هدفين في الجولة الثامنة من الدوري المصري الممتاز. قال رضا عبد العال ، عبر قناته الرسمية على يوتيوب: "لاعيبة الزمالك ،"مش رجالة "و5 لاعبين فقط الذين يصلحون للعب في الزمالك . أضاف رضا عبد العال : "المنظومة كلها لازم تتغير في نادي الزمالك، مين جاب بوطيب ومين جاب أوناجم، كل اللي جابو الناس دي ملهمش في الكورة والموضوع مش موضوع توريث لازم يبقى في وقفة". تابع عبد العال: "الزمالك ،لازم يبعد عن المجاملات، ومبروك الدوري للنادي الأهلي خلاص بعد هزيمة أمس من طلائع الجيش شكرا الدوري اتبخر وياريت لاعيبة الزمالك تلعب الأول وبعد كدة يبحثوا عن المستحقات". وأكمل:" الزمالك ، ظهر مثل مراكز الشباب أمام طلائع الجيش ومكانش في حد بيلعب غير بن شرقي اللي هو مش ابن النادي، مفيش حاجة اسمها ابن النادي، اللاعيبة اللي بتيجي الزمالك بتيجي مجاملة وفي بيزنيس وشغل بيتعمل، أين رزاق سيسيه وأحمد رفعت كسبوا الاتحاد أمام المقاصة واحسن من 100 من أوناجم اللي بعتبره صدمة العمر ووصمة عار انه يدخل نادي الزمالك". اختتم:" الزمالك بيضيع لازم وقفة، ولازم إعادة تنظيم، بعيدا عن العاطفة لازم حد فاهم في الكورة يبقى مشرف، هات حسن شحاتة مثلا مشرف ومستشار فني الزمالك بيضيع وكل لاعيبة الزمالك بتشتكي من ابنك يا سيادة المستشار وجماهير الزمالك اتخنقت خلاص".