بالصور زاهر يقلب الفيس بوك بالرد على اتهامات محمود حسن للزمالك

خرج محمود حسن لاعب الزمالك الشاب عن صمته، بعد أن تم الاستغناء عنه واستبعاده من قائمة الفريق الأبيض، وتوجيه الشكر له من قبل إدارة القلعة البيضاء.
وكتب حسن عبر حسابه الشخصي على موقع التواصل الاجتماعي "فيسبوك": "حابب أوضح حاجه لجماهير نادي الزمالك، انا اتصابت يوم 26-6 في مُعسكر اكتوبر ، وفضلت شهرين في موضوع الورق
وبنخلص الحاجة و الكلام ده وعملت العملية يوم 22-8-2019 الحمدلله رغم ان مجلس الادارة يعلم بوافاة ولدتي يوم العملية وظروفي بعد ما عملت العملية ، وبعد ما رجعت من المانيا طلعت عشان اشكر " سيادة المستشار".
وتابع: "لقيت كاميرات واطلب مني اني اعمل فيديو اشكر فيه مجلس الادارة و النادي علي العملية ومصاريفها وعملت الفيديو وشكرت الزمالك، اللي خيره عليا ، بعد ما عملت الفيديو " أ. امير مرتضي " قالي انت مش علي ذمة الزمالك ".
وأضاف: "بعد ما لعبت في الزمالك 17 سنه ، العب يا محمود حاضر اتصعد يا محمود حاضر اطلع بره الاسكور حاضر ، ومكنتش بقدر افتح بوقي عشان خاطر الزمالك، اللي اتربيت فيه واترفضلي 7 اعارات الموسم اللي فات ، ومردتش اتكلم وساكت عشان خاطر انا ابن النادي واهم حاجه استقرار الزمالك آولا ، كل ده قولت يمكن ارجع تاني بعد ما اخلص الجلسات"
وأكمل: "،النهارده " أ. احمد مرتضي " كلمني بيقولي انت مش هينفع تاخد فلوس عشان انت مش علي ذمة الزمالك ، والحاجه الوحيده اللي نقدر نساعدك فيها ان نوديك فرقة لما ترجع في شهر واحد ، وانا كنت ماضي خمس سنين عدي سنتين وكده لسه فاضل في عقدي 3 سنين ، وحتي الزمالك،' مدانيش السنه اللي اتصابت فيها "، والنهارده تم الاستغناء عني رسمي. شكرًا نادي الزمالك".
فى الوقت نفسه قام أحمد زاهر المدير الإداري لفريق الكرة الأول بنادي الزمالك بالرد على محمود حسن لاعب الفريق الأبيض الشاب، بعد أن شن الأخير هجوم على مسئولي القلعة البيضاء على خلفية الاستغناء عن خدماته مؤخراً، أثناء فترة علاجه من إصابة الرباط الصليبي التي يعاني منها في الفترة الحالية.
وكتب زاهر عبر حسابه الشخصي على موقع التواصل الاجتماعي "فيسبوك": "عايز اقول رأيي فى موضوع محمود حسن بصراحه والله العظيم انا عمرى ما بتكلم على لعيب فى الزمالك، بعتبرهم كلهم اخواتى بس الكلام لما يبقا مغلوط لازم توضيح".
وتابع: "هو محمود حسن اتصاب مع الزمالك، واول ما اتصاب اتوعد انه يسافر المانيا و فعلا اول ما اجراءات السفر خلصت سافر و معاه دكتور الفريق و لما رجع و اخدنا كاس مصر الجهاز الادارى هو اللى كلمه عشان ياخد مكافات و ده حقه".
وأكمل: "السنه اللى فاتت كان مش مقيد افريقيا و اخد كل مكافات زيه زى الاعبين واتحدى نادى بيعمل كده و بالنسبه لموضوع الاعاره السنه اللى فاتت انت جالك بتروجيت ولما الجهاز اتغير فى بتروجيت متكلموش مع الزمالك، و انت السنه اللى فاتت ملعبتش خالص فالطبيعى لو انت سليم مفيش اى لاعب من فرقتك اتقيد مع الدرجه الاولى فا مش عايزك تدخل موضوع الاصابه فى القيد".
ووجه زاهر رسالة للاعب في نهاية حديثه قائلاً: "نصيحه منى وانت عارف انى بحبك راجع نفسك فى كلامك على الزمالك ".