لاعب الزمالك: أبلغوني بالرحيل بعد إصابتى بالصليبي

فجر محمود حسن لاعب فريق الكرة الأول بالزمالك، والذي تم تصعيده من قطاع الناشئين بالنادي الأبيض مع كل المدربين في الفترات الأخيرة، مفاجأة من العيار الثقيل وذلك بتخلي النادي عنه، ورفض منحه أموال تعاقده، مع إبلاغه بأنه ليس على ذمة النادي.
وكتب اللاعب عبر حسابه بموقع التواصل الاجتماعي فيس بوك مساء اليوم الثلاثاء: بسم الله الرحمن الرحيم، حابب أوضح حاجه لجماهير نادي الزمالك، انا اتصابت يوم 26-6 في مُعسكر أكتوبر، وفضلت شهرين في موضوع الورق وبنخلص الحاجه والكلام ده وعملت العملية يوم 22-8-2019 الحمدلله، رغم ان مجلس الإدارة يعلم بوافاة ولدتي يوم العملية وظروفي بعد ما عملت العملية، وبعد ما رجعت من المانيا طلعت عشان اشكر " سيادة المستشار " ف لقيت كاميرات وطلب مني اني اعمل فيديو اشكر فيه مجلس الإدارة والنادي على العملية ومصاريفها وعملت الفيديو وشكرت النادي اللي خيره عليا، بعد ما عملت الفيديو " أ. امير مرتضى " قالي انت مش على ذمة النادي، بعد ما لعبت في النادي 17 سنه، العب يا محمود حاضر اتصعد يا محمود حاضر اطلع بره الاسكور حاضر، ومكنتش بقدر افتح بوقي عشان خاطر النادي اللي اتربيت فيه واترفضلي 7 اعارات الموسم اللي فات، ومردتش اتكلم وساكت عشان خاطر انا ابن النادي واهم حاجه استقرار النادي آولا، كل ده قولت يمكن ارجع تاني بعد ما اخلص الجلسات، النهارده " أ. أحمد مرتضى " كلمني بيقولي انت مش هينفع تاخد فلوس عشان انت مش على ذمة النادي، والحاجه الوحيده اللي نقدر نساعدك فيها ان نوديك فرقة لما ترجع في شهر واحد، وانا كنت ماضي خمس سنين عدي سنتين وكده لسه فاضل في عقدي 3 سنين، وحتي النادي مدانيش السنه اللي اتصابت فيها، والنهارده تم الاستغناء عني رسمي.شكرا نادي الزمالك.