بالفيديو.. أمير مرتضى عن رحيل «الشناوي وجبر»: «في لاعيبة هي اللي بتفرط في النادي»

قال أمير مرتضى منصور، المشرف على الكرة بنادي الزمالك، إن أحمد الشناوي حارس الفريق أصبح غير موجود بالفريق الأبيض، وذلك ردًا على تساؤل بشأن رحيله إلى نادي بيراميدز.
وأضاف «مرتضى»، خلال تواجده ضيفًا ببرنامج المدرج: «أحمد الشناوي غير موجود في الزمالك، وعلي جبر أيضًا أمره انتهى بالرحيل إلى بيراميدز، في لاعيبة هي اللي بتفرط في النادي مش النادي هو اللي فرط فيهم».
وتابع: «ده حقهم، وعلشان نديهم حقهم ومايبقاش في ضغط جماهيري، دي لاعيبة محترفة، واحنا تعاقدنا معهم من أندية تانية، ولاعبو في الزمالك بأقصى جهدهم، ودلوقتي شايفين إن عندهم طموحات مادية متقدرش تقف قصاده».
وواصل: «الناس لازم تعرف إن إدارة الزمالك وحتى الأهلي مش بتصحى من النوم تقول هابيع مين النهاردة، في حاجات في الكواليس الناس مش بتشوفها، في لاعيبة بتقلب وشها وبتقفل تليفونها، ممكن تقولي عاقبه ده ماضي معاك 5 سنين، أنا بقول لو ماضي 100 سنة، هو لو مش عاوز يكمل هايعمل أي حاجة علشان يمشي».
أمير مرتضى عند سؤاله عن رحيل الشناوي وعلي جبر: في لاعيبة هي اللي بتفرط في النادي مش النادي اللي بيفرط فيها#أمير_مرتضى_في_المدرج pic.twitter.com/SuvZcHnMmG
— dmc sports (@dmcsportstv) 25 يوليو 2018