بعد رفض دعوى التعويض.. محمد سامي ل عفاف شعيب: «بفكر أسامح وناكل بيتزا وريش»

علق المخرج محمد سامي على قرار المحكمة برفض دعوى التعويض المقامة من الفنانة عفاف شعيب ضده بتهمة السب والقذف، عبر حسابه الرسمي بموقع الصور والفيديو "إنستجرام".
محمد سامي يوجه رسالة ل عفاف شعيب
وكتب محمد سامي، قائلا: "مدام عفاف شعيب بقالها سنتين بترفع عليا قضايا وبتخسرها، والنهارده كانت آخر قضية وبرضه خسرتها، ما عرفش ليه هي مصرة تقاضيني بدون وجه حق، وتقول إني سبتها وغلطت فيها في أحد البرامج التلفزيونية وده محصلش، والمحاكم حکمت إنه محصلش وبأحكام نهائية والمحاكم سببت أحكامها بأنه لم يحدث مني تجاهها أي تجاوز أو إساءة وكل الأحكام الصادرة من المحاكم الجنائية والمدنية كانت لصالحي في كل الدرجات".
وأضاف محمد سامي: "وأصلاً الحلقة اللي هي ادعت إني سبتها فيها موجوده أون لاين وأي حد يقدر يشوفها، أنا مستحيل أتجاوز في حق ست في سن أمي أو أكبر وکمان فنانة كبيرة وليها تاريخها".
واختتم محمد سامي: " أنا أول مرة اقول تصريح بخصوص الموضوع ده لأني انتظرت لما الفنانة تخسر القضايا بكل درجاتها زي ما حصل وبعدين أتكلم، ودلوقتي بناقش أنا والمستشار القانوني شعبان سعيد المحامي المفروض نعمل إيه الفترة دي بعد سنتين من التجاوز في حقي والإساءة لشخصي، إما إننا نبدأ نتخذ إجراءات قانونية ضدها بالتعويض على التشهير وإفساد السمعة أو إننا نقول عفا الله عما سلف والست والمحامى بتاعها دلوقتي فيهم اللي مكفيهم والمفروض نكبر دماغنا ومانزودش عليهم الهم ونسامحهم وناخدهم ونتعشى مع بعض بره ونعزمهم على ريش وبيتزا".