سوسن بدر: أسماء جلال موهوبة وحضورها قوي.. وهذا سر نجاح ريهام حجاج

حلّت النجمة الكبيرة سوسن بدر ضيفة على برنامج "نجمك مع يارا" في أولى حلقات الموسم الثاني، وتحدثت بصراحة عن مسيرتها الفنية وكواليس أعمالها وتجاربها المختلفة مع زملائها.
وعن مسلسل "أشغال شقة" وكواليس العمل قالت سوسن بدر: "أسماء جلال موهوبة جدًا وشطرة ومجتهدة وبتحب شغلها قوي قوي ومتطورة ومركزة وعندها حضور بديع، حتى مهما كان نوع الدور اللي هي بتعمله، سواء أدوار تراجيدي أو كوميدي، هي متفوقة فيهم جدًا".
وعن زميلتها ريهام حجاج قالت سوسن بدر:"حبيبة قلبي، قد ما أنتِ فنانة موهوبة ومبدعة وجميل شكل وروح، أنا ببقى سعيدة جدًا واحنا بنشتغل مع بعض وبعرف إن العمل هيبقى ناجح، لأنه ما فيش تفصيلة ما بتبقيش مهتمة بيه".
وتحدثت سوسن بدر عن فترة الغياب والهجوم على السوشيال ميديا، قائلة:"أنا ما رحتش عن اختيار، كنت قعدة على وجع الناس اللي بيحفروا حواليا، وكل غياب كان ليه معنى، وكل واقفة مقابل الرجوع تكون أقوى".
وأضافت سوسن بدر: "طالما بناتي وأحفادي بخير، أنا بخير.. الحملة دي بتثبت إنها لجان، مش الشعب المصري، وأنا معروف عني إني ست وطنية جدًا وما حدش ينفع يزايد على ده".
واختتمت سوسن بدر حديثها برسالة للجمهور قائلة: "البرنامج ده مش مجرد أسئلة وإجابات محفوظة، احنا هنا بنقرب الإنسان قبل النجم، من اللحظة اللي غيرت حياتك ومن التجربة اللي شكلتها. هنتكلم عن النجاح، بس كمان عن الخوف والفقدان والخزلان والوحدة وسط الزحمة، وهنتكلم بصراحة جدًا".