زوجة عبد الله رشدي: «عندي مشاكل نفسية بسببه وكان نفسي يعترف بابنته»

كشفت البلوجر أمنية حجازي عن تأثير الأزمة التي مرت بها مع الداعية عبد الله رشدي على حالتها النفسية، مشيرة إلى أنها تمر بفترة صعبة وتحتاج لفترة من التعافي قبل التفكير في الزواج مجددًا، وجاء ذلك خلال لقائها في برنامج "مساء الياسمين" الذي تقدمه الإعلامية ياسمين الخطيب عبر شاشة قناة الشمس.
وقالت أمنية: "بعد تجربة زواجي من عبد الله رشدي، بقى عندي مشاكل نفسية محتاجة أحلها الأول قبل ما أفكر في الزواج تاني، علشان ما أظلمش نفسي ولا أظلم شخص معايا ولا بنتي.. أي إنسان لازم يتعافى بعد أي تجربة، وأنا دلوقتي تعبانة ومكسورة".
اقرأ أيضا| دموع وحزن.. محبو إسماعيل الليثي ينتظرون وصول جثمانه لتشييع الجنازة
وتابعت: "أكتر حاجة وجعتني إن اتخاض في عرضي وهو مردش، وجعني سكوته.. كنت حابة لو هننفصل يبقى بأدب، مكنتش عايزة صورته تتهز ولا حد يشوفه بشكل وحش لأنه أبو بنتي، وأنا موجوعة ومتألمة، وكل أملي إني أتعافى وأتجاوز المرة دي".
وأضافت: "بابا وافق عليه لأنه شايفه راجل دين، إحنا وثقنا فيه، لكنه خان الثقة، والدي لحد قريب كان متعاطف معاه وصعبان عليه الطفلة الصغيرة، ومكنش عايز الطلاق يتم، لكن لما عرف إني عرضت عليه الصلح وهو رفض، غير رأيه من ناحيته".
وأكملت أنها قررت التحدث عن قصتها بعد أن شعرت بالخذلان من شخص كانت تعتبره قدوة دينية، مطالبة عبد الله رشدي بالاعتراف بابنته منها.