بعد نجاح «قرار شخصي».. حمزة نمرة يستعد لطرح ألبوم ثاني في 2025

كشف الفنان حمزة نمرة عن موعد طرحه ألبومه الثامن الجديد ليطرح ولأول مرة ألبومين خلال عام واحد بعد نجاح ألبومه الأول في 2025 «قرار شخصي».
وأوضح حمزة قائلا:« أنا كنت دائما أعاني من الكمال عايز أعمل أفضل حاجة ممكنة ودايما حاسس إن أنا مش مقدم أحسن ما عندي وده كان بيرهقني جدا وبيعطلني في شغلي كان بيبقى بين الألبوم والثاني 3 سنين» مضيفا خلال لقائه في برنامج «أجمد 7»: «كان أول قرار شخصي في ألبومي ده أن اتقبل فكرة عدم الكمال».
وتابع قائلا: «وده ساعدني أني انطلق في ألبومي الأخير «قرار شخصي» وقدرت أخلصه في وقت قياسي وكمان دخلت في الألبوم اللي بعده» واختتم حديثه كاشفا عن موعد طرح الألبوم الثامن له قائلا: «هيكون الألبوم اللي جاي رقم 8 وهينزل في الشتاء قبل نهاية العام في نص شهر 11 وسعيد بده جدا».
View this post on Instagram
A post shared by NogoumFM (@nogoumfm)
إقرأ ايضا: «كنت بتفرح بالهدايا زي الأطفال».. أرملة محمد رحيم تحتفل بذكرى ميلاده
حمزة نمرة يحتفل بنجاح الألبوم
وكان الفنان حمزة نمرة قد احتفل بنجاح ألبومه الجديد «قرار شخصي» والذي نافس به نجوم ألبومات صيف 2025 وتصدرت عدد من أغاني الألبوم تريند يوتيوب بالأكثر استماعا وكتب عبر صفحته الشخصية على فيسبوك :« زمان لما كان حد يسألني في أي لقاء: هل حاسس إنك مش واخد حقك فنياً؟ كنت باقعد أفكر شوية وأبقى مش متأكد من الإجابة، وغالباً بأكون أقرب لفكرة إني فعلاً كده».
وتابع: «لحد ما في يوم قعدت بيني وبين نفسي وسألت نفسي السؤال ده بجد، واكتشفت إن ربنا إداني أكتر مما أستحق، ووصلني لأبعد مما يفترض إني أوصل له» مضيفا: «إن ألبوماتي تنزل في موسم الصيف ف تنافس فئات البوب وتبقى رائجة في كل المنصات، فده فضل من ربنا كبير أوي، ده مش حقي ده أكتر من حقي بمراحل. ف الحمد لله رب العالمين».
واختتم حديثه موجها رسالة إلى جمهوره قائلا:«أشكركم إنكم كنتم سبب في النجاح ده، كل واحد سمعني واتأثر، اتكلم عني وسط صحابه، نشر أغنية ليا، حضر لي حفلة، ربنا جعلكم سبب في إن فني يفضل عايش. وسامحوني على أي تقصير أو حاجة كانت أقل من توقعاتكم، ده اللي ربنا يسره لي لتقديمه وربنا يرزقنا حسن النوايا، وأخيراً أشكركم من قلبي».