ريهام عبد الغفور تكشف معاناتها خلال تصوير كتالوج بعد وفاة والدها

تستعد النجمة ريهام عبد الغفور عن كشف تخطيها وفاة والدها أشرف عبد الغفور وتصويرها مسلسل "كتالوج" خلال لقاء صحفي مصور، قائلة : "حسيت إني كبرت أوي وحاسة إني مش عارفة أعمل أي حاجة".
وتابعت ريهام عبد الغفور : "طول ما أنا بصور كتالوج أنا بعاني أنا مش عارفة اشتغل خالص، أنا دلوقتي ممتنة لربنا إن المسلسل عجب الناس وأنا ساعاتها كنت حاسة إن مش عارفة أعمل أي حاجة".
وأضافت ريهام عبد الغفور : "فكرة التخطي دي طلعت بالنسبالي مش مستوعباها أو مش فاهماها أصلًا، وكأني حد كسرني نصين بصراحة وأنا حواليا ناس فقدوا ناس قريبين بس كان الموضوع أسهل".
واستكملت ريهام عبد الغفور : "متعلقة بيه جدًا وهو شخص عرف يسيب أثر على الناس اللي أولاده حتى أبويا الله يرحمه مكنش بيبتسم كان يضحك تحسي إنه جايلنا من هناك من الجنة يعني".
واختتمت ريهام عبد الغفور : "كل يوم في لحظة بتبقى صعبة مش مسألة الجنازة والعزا دي طبعا بتبقى إحساس مرعب وفظيع بس هو الحقيقة إنه كل يوم في لحظة صعبة".
تفاصيل مسلسل "كتالوج"
تدور أحداث المسلسل حول قصة رجل يجد نفسه فجأة مسؤولًا عن تربية طفليه بعد وفاة زوجته ليواجه العديد من المشكلات والتحديات من بطولة محمد فراج وريهام عبد الغفور وسماح أنور وتارا عماد وصدقى صخر وخالد كمال ودنيا سامى من تأليف أيمن وتار وإخراج خالد الحلفاوي.