«محتاجة حضن واحد.. طلع مفيش بعدين».. حنان مطاوع تبكي جمهور «كتالوج» بمشهد فقدان الأم

شاركت الفنانة حنان مطاوع في مسلسل «كتالوج» ولكن بدور ضيفة شرف، وليست ممثلة أساسية ضمن الأحداث، ولكنها قدمت مشهد درامي تتحدث فيه عن فقدان الأم، وكيف تأثرت بعد رحيلها، وكيف يصعب عليها الاستغناء عن اللون الأسود في ملابسها، كأنها أصبحت ترى الحياة كلها باللون الغامق، بسبب وفاة والدتها التي اختارت أن تفني حياتها في تربيتها بعد وفاة والدها بالمسلسل.
وجاء نص المشهد الذي تصدرت به حنان مطاوع مؤشرات البحث: «أنا كنت فاكرة إني عارفة قيمة ماما بس طلعت مش عارفة أي حاجة.. ومقولتلهاش قد إيه هي مهمة بالنسبالي وقد إيه انا بحبها.. وعلى فكرة ماما اترملت وهي صغيرة جدًا كان عندها 25 سنة، والكل قالها لازم تتجوزي وتجيبي راجل يخلي باله منك ومن بنتك».
نص مشهد حنان مطاوع في «كتالوج»
وتابعت حنان: «بس كانت بتاخدني في حضنها وتقول دي كل حاجة ليا، دي بنتي وأختي وراجلي.. بعد كل اللي ماما عملته عشاني بيقولولي إني لازم أبطل ألبس أسود.. وأنا أصلًا مش عارفة هكمل إزاي منغيرها؟.. والمركب اللي المفروض إنها تمشي دي تمشي إزاي، ومحدش يقولي إنها كدا ارتاحت لأنها كانت تعبانة لأن موتها مريحنيش أنا.. البقية في حياتك.. البقية في حياتك، أنا مش عايزة حياتي في حاجة».
وأضافت حنان في المشهد: «أنا مش عايزة غير إنها ترجعلي ساعة واحدة.. دقيقة واحدة، حضن واحد بس أقولها قد إيه كنت بحبها.. وأقولها إني مش هاسيب أي رسالة غير لما أرد عليها، ومش هاطنش أي مكالمة ليها.. وأقول خلاص بعدين لما أخلص شغل.. هبقى أرد عليها علشان طلع مفيش بعدين!».
تفاعل الجمهور مع حنان مطاوع
وتفاعل الجمهور مع المسلسل، وأشادوا بالمشهد، إذ كتب متابع في تعليق عبر حساب حنان مطاوع على «فيس بوك» عن المشهد: «للأسف مشهد حقيقي اوي بجد برافوا عليكي»، وكتب أخر: «سبحانه من زرعك فيك الموهبة والقبول عند الناس»، وأشاد أخر بأداء حنان قائلًا: «انتى ايه يا بنتى انتى جباره والله ده مش تمثيل خالص فعلا هذا الشبل من ذاك الاسد ربنا يحميكي».
صُناع مسلسل «كتالوج»
مسلسل كتالوج من بطولة محمد فراج، وظهور خاص للنجمة ريهام عبدالغفور، وسماح أنور، وتارا عماد، وصدقى صخر، وخالد كمال، وبيومى فؤاد، ودنيا سامى، والطفل على البيلى، وأحمد عصام السيد، والطفلة ريتال عبدالعزيز، وإنتاج أحمد الجنايني وتأليف أيمن وتار وإخراج وليد الحلفاوي.
اقرأ أيضًا:
مشهد مدته 120 ثانية ل الخطيب في «كتالوج» يتصدر منصات التواصل الاجتماعي