منال سلامة ترفض فتح باب التمثيل «للتيك توكرز» إلا في هذه الحالة | خاص

أعربت الفنانة منال سلامة عن رأيها في الجدل الدائر مؤخرًا حول دخول البلوجرز والتيك توكرز مجال التمثيل، مؤكدة أن الأمر أصبح يثير الكثير من علامات الاستفهام داخل الوسط الفني وخارجه، وقائلة: "ليه بقى التمثيل هو المهنة الوحيدة اللي مفتوحة لأي حد؟ وليه بقت مباحة لكل من لا مهنة له؟".
وتابعت الفنانة منال سلامة في تصريحات خاصة ل "بوابة أخبار اليوم"، معبّرة عن استيائها من دخول البعض إلى مجال التمثيل دون مؤهلات أو خلفية فنية حقيقية، قائلة: " مهنة التمثيل، وكل الفنون عمومًا، هى مهن علمية تُبنى على الموهبة، لكنها تتطلب دراسة وصقل، وده واضح من إنها تُدرس في أكاديميات فنية على مستوى العالم، وبيتم منح درجات علمية زي الماجستير والدكتوراه في مجالاتها، ليه بس عندنا أي حد يحب يمثل يدخل المجال كده؟":
وأضافت: "اللي فعلاً عنده موهبة حقيقية وعايز يشتغل ممثل، في جهات يرجعلها، وعلى رأسها نقابة المهن التمثيلية اللي عندها ورش تدريبية، يقدر يقدم فيها، ولو ثبت إنه موهوب فعلاً، النقابة هتدعمه وتديله تصاريح، فيه نسبة 10% في الأعمال الفنية مخصصة لغير الدارسين، لكن لما النسبة دي توصل ل50 و60 و70%، والممثلين المحترفين اللي ده شغلهم الحقيقي قاعدين من غير شغل، ده شيء غير عادل، وغير إنساني، وغير قانوني".
اقرأ أيضا| بدأ تصويره منذ 10 سنوات.. حماقي: أعمل على فيلم وثائقي لمسيرتي
واختتمت بقولها: "الموهبة شيء عظيم، لكن لازم تُصقل بالدراسة، وإذا كنت نجم على السوشيال ميديا وبتكسب منها كويس، فخلي ده مجالك وسيب فرص الرزق دي لأصحابها اللي درسوا وتعبوا سنين".