حوار| سلمى غريب: أنا مش شريرة لكن الندم مش في قاموسي

سلمى غريب ممثلة مصرية شابة برزت في السنوات الأخيرة كواحدة من الوجوه الفنية الواعدة في السينما والتلفزيون، وتميزت بأدائها المتقن وقدرتها على تجسيد شخصيات متنوعة، مما أكسبها حب الجمهور وثقة النقاد، وشاركت سلمى في عدد من الأعمال الدرامية والسينمائية الناجحة، وتعتبر تجربتها في مسلسل "حديث الصباح والمساء" محطة مهمة في مسيرتها الفنية، حيث أثبتت خلالها موهبتها واحترافيتها، وبالإضافة إلى ذلك، تُعرف سلمى بحبها للفن وروحها الجماعية التي تعزز من نجاح أي عمل تشارك فيه.
أجرت "بوابة أخبار اليوم" حوارًا خاصًا مع الفنانة سلمى غريب، تحدثت فيه عن رأيها في حال المسرح خلال الفترة الأخيرة، وأسباب غيابها عن الساحة الفنية لمدة خمس سنوات، بالإضافة إلى موقفها من قرار الفنان محمد رياض باعتزال رئاسة المهرجان القومي.
كما استعرضت نجاح مسلسل "حديث الصباح والمساء" الذي لا يزال يحظى بحب الجمهور رغم عرضه عام 2001، إلى جانب العديد من التفاصيل الأخرى. وإليكم نص الحوار الكامل.
في البداية.. ما سر حضورك في المهرجان القومي للمسرح المصري؟
حضوري للمهرجان ده شيء أساسي بالنسبة لي من وقت تخرّجي، لأن المسرح هو بيتي وحياتي وروحي، ولا يمكن أتأخر منه، خصوصًا كمان إنه بيكون مع محمد رياض، لأنه أيقونتنا الفنية".
ما رأيك في تخلي محمد رياض عن رئاسة المهرجان القومي للمسرح؟
"بتمنى يفضل مستمر، لأنه قدم مجهود كبير جدًا في إدارة وتنظيم المهرجان، ووجوده أحدث فرق واضح وملموس".
اقرأ أيضا| a href="https://akhbarelyom.com/news/newdetails/4662763/1/%D8%BA%D8%AF%D8%A7-%D8%A7%D9%84%D9%81%D9%86%D8%A7%D9%86-%D9%85%D8%AD%D9%85%D8%AF-%D8%A7%D9%84%D9%82%D8%B3-%D8%B6%D9%8A%D9%81-%D8%A8%D8%B1%D9%86%D8%A7%D9%85%D8%AC-%D9%81%D8%B6%D9%81%D8%B6%D8%AA-%D8%A3%D9%88" target="_blank" title="غدا.. الفنان محمد القس ضيف برنامج "فضفضت أوى" على watch it "غدا.. الفنان محمد القس ضيف برنامج "فضفضت أوى" على watch it
ما رأيك في المسرح الفترة الأخير؟
"إحنا عندنا مسرح، لكن النشاط قل جدًا في الفترة الأخيرة، وبما إن مفيش مسرح قطاع خاص حاليًا، فمسرح الدولة لازم يفضل منوّر طول الوقت. بصراحة في عروض جميلة جدًا اتقدمت خلال الشهور اللي فاتت، ومستواها كان هايل. "إحنا عندنا مسرح، لكن النشاط قل جدًا في الفترة الأخيرة، وبما إن مفيش مسرح قطاع خاص حاليًا، فمسرح الدولة لازم يفضل منوّر طول الوقت. بصراحة في عروض جميلة جدًا اتقدمت خلال الشهور اللي فاتت، ومستواها كان هايل، وبتمنى إن المسارح تفضل مفتوحة، بل بالعكس، نفسي عددها يزيد، الدكتور أشرف زكي افتتح مسرح هنا، وكمان في إسكندرية، وإن شاء الله نحتفل قريبًا بمسرح خامس وسادس وعاشر".
هل توقعتي ردود الأفعال على شخصيتك في مسلسل "وتقابل حبيب"؟
"الناس اتفاجئت من الشخصية اللي قدمتها، وكان في ردود أفعال قوية، كتير قالولي: إزاي قتلتي بالشكل ده؟! وفي ناس سألتني: إنتي خدتِ كام؟ لأن في جملة في المسلسل بتقول إني هاخد المبلغ اللي أنا عايزاه، بس من غير ما يتقال الرقم، وده خلّى الجمهور يحتار ويتساءل عن التفاصيل".
كيف كان التعاون مع المؤلف عمرو محمود ياسين؟
"مسلسل وتقابل حبيب عامل لي مشكلة شوية، لأن الناس بدأت تشوفني بشكل مختلف تمامًا، وده طبعًا بسبب الكاتب عمرو محمود ياسين، اللي بشكره من قلبي، لأنه قدمني في دور جديد عليّ تمامًا، وخلى الجمهور يشوفني من زاوية تانية. بس حابة أوضح إني مش شريرة في الحقيقة".
اقرأ أيضا| هند عاكف: المسرح يقدم إيرادات ملموسة.. والفخراني رمز حي لتراث المسرح |خاص
ما سبب غيابك عن الووسط الفني 5 سنوات؟
ابتعدت عن الفن لمدة خمس سنوات لأن طريقة التعامل في الوسط اتغيرت، ومبقاش في الناس اللي كنت متعودة أشتغل معاهم، وكل المنظومة اتبدلت، أنا طول عمري بييجي لي المسلسل، أقرأه، ولو مقتنعة أوافق، ولو مش مقتنعة أرفض من غير ما حد يزعل. لكن فجأة بقى في نظام غريب، يتصلوا يقولوا التصوير بكرة، من غير ما ألحق أقرأ أو أستعد، وده بالنسبة لي مش طبيعي، أنا محتاجة أفهم أنا هاعمل إيه، وأفهم تفاصيل الشخصية والعمل، مش أدخل أصور من غير تحضير. عشان كده مكنتش مرتاحة لفترة، وحسيت إني مش على طبيعتي، لحد ما بدأت أتأقلم مع التغيرات وأرجع تاني".".
من وجه نظرك.. ما سبب نجاح وتأثير مسلسل "حديث الصباح والمساء" في ذاكرة الجمهور رغم مرور أكثر من 20 عامًا؟
"مسلسل "حديث الصباح والمساء" يعد محطة فارقة في مشواري الفني، وهو تجربة استثنائية يصعب تكرارها، لما حمله من روح جماعية وحب حقيقي للفن المسلسل ده من التجارب اللي عمري ما هنسى تفاصيلها، كنا فريق ضخم يضم حوالي 180 فرد، وكلنا كنا بنشتغل من غير ما حد يفرض علينا حاجة، كنا بنروح التصوير بإرادتنا وحبنا للشغل، من النجمة ليلى علوي لأصغر فرد في الفريق، والحماس كان مشترك بين الكبير والصغير، وكان واضح جدًا في كل مشهد، وبصراحة، الأستاذ جمال العدل وفر لنا كل شيء نحتاجه علشان نطلع عمل محترم بالشكل ده، وده اللي خلى المسلسل يفضل علامة بارزة في تاريخ الدراما المصرية"..
هل شاركتِي في أعمال فنية وشعرتي بعدها بالندم؟
"عمري ما عملت حاجة وندمت عليها، لكن ممكن في بعض الأحيان بعد ما يُعرض العمل، أحس إنه مش عاجبني بالكامل أو كنت أتمنى يطلع بشكل مختلف شوية".
وأخيرا.. ما المعايير التي تختاري على أساسها أعمالك الفنية؟
"أنا ماعنديش معايير ثابتة لاختيار الأعمال، لكن لازم أكون واثقة في المؤلف أو في المخرج لأن إحنا بقينا نفتكر موسم رمضان متأخر جدًا، كأنه مش هييجي، وفجأة نلاقي نفسنا داخلين عليه بسرعة، والكل يبدأ يجهّز بشكل متسارع،وده بيخلينا نفضل نصور لحد يوم 27 رمضان، وسط ضغط كبير جدًا".