فخر للعالم.. ماذا قال المشاهير ورواد السوشيال عن إنجاز مجدي يعقوب؟

بمجرد أن تسمع اسم الدكتور مجدي يعقوب، تشعر بالفخر بأنك مصري، لوجود طبيب يحمل نفس جنسيتك، استطاع أن يتفوق على أكبر العلماء على مستوى العالم، في مجال جراحة القلب، ونال العديد من الأوسمة الرفيعة لما قدمه من إنجازات طبية، ساهمت في إنقاذ حياة آلاف من مرضى القلب.
لم يتوقف «السير» مجدي يعقوب عن ابتكاراته العلمية وإنجازاته الطبية لخدمة البشرية، وقدّم ابتكارًا فريدًا من نوعه، عندما ابتكر صمامات جديدة للقلب مصنوعة من الألياف، يتم زرعها في الجسم، ومع مرور الوقت تذوب تمامًا وتترك مكانها «صمام حي طبيعي»، من أنسجة المريض نفسه.
◄ أسطورة في عالم الطب
وتوالت التعليقات على السوشيال ميديا، التي أشادت بالقدرات العلمية الهائلة للدكتور مجدي يعقوب، وإنجازاته الطبية لخدمة الإنسانية.
وعلق الطرب الشهير تامر حسني، على إنجاز «السير» قائلًا: «للي ميعرفش.. وأنا طفل كان عندنا درس في العربي اسمه مجدي يعقوب، عشان كان أول طبيب في العالم يعمل عملية زرع قلب، وكانت تقريبًا سنة 1980، يعني الراجل ده أسطورة في عالم الطب من سنين كتير، مش من دلوقتي».
وتابع: «هذا الرجل الملاك وهب كل حياته لخدمة البشرية.. عارفين يعني إيه كل حياته لحظة بلحظة لخدمة البشرية، لخدمة ولادنا، لخدمة الإنسانية، لخدمة الطب وكل دكاترة المستقبل؟ النهاردة دكتور مجدي يعقوب بيحقق كمان إعجاز طبي جديد بعد 45 سنة من أول إنجاز».
اقرأ أيضا| د.مجدي يعقوب يقود مشروعًا مبتكرًا لزراعة صمامات قلب لا تستبدل
وواصل: «يعني بصراحة الراجل ده أعظم رمز في العالم للنجاح، وفضل ينجح ويتحدى نفسه لحد ما حقق معجزة طبية مفيش ولا دكتور في العالم عملها إلا دكتورنا المصري العربي.. حاجة تشرف أوي، حاجة عظيمة أوي.. الراجل ده لازم يبقى في شوارع وميادين باسمه، لازم يبقى له تمثال، لازم يتعمله أكبر تكريم إنساني في تاريخ مصر والعالم. كل الشرف والفخر بإنك مصري عربي».
◄ إنجاز طبي جديد
وكتب النجم أكرم حسني، عبر صفحته على «إكس»: «إنجاز طبي جديد يدعو كل مصري للفخر.. جراح القلب المصري البروفسيور د. مجدي يعقوب، قاد فريق بحثي طبي لإنجاز جديد في مجال زراعة الصمامات في القلب.. ابتكروا صمامات جديدة للقلب مصنوعة من الألياف بتتزرع في الجسم، وبتتكامل مع خلايا الجسم، وبمرور الوقت بتدوب وبتسيب مكانها صمام حي مكون بالكامل من أنسجة المريض نفسه».
◄ فخر لمصر والعالم
وتوالت التعليقات من جانب رواد السوشيال ميديا، ومنها: «الله يحميه.. علم من أعلام الطب بالعالم».. «العالم الجليل والبروفيسور مجدي يعقوب من أنقى الناس وأنفعهم ربنا يبارك فيه ويكرمه».. «علامة مضيئة في تاريخ مصر الحديث، وهرم من أهرامات العلوم والطب، ونبراس للطب الحديث والولاء للوطن العربي كاملاً».
وكتب آخرون: «ملاك فى يتجسد في إنسان بمعنى الكلمة «مجدى يعقوب» أمده الله بطول العمر والصحة والعافية لمصر والعالم بأسره».. «ده فعلا نمبر وان.. ده الامتياز ده التقدير ده الإنسانية ده فخر للعالم كله ولمصر والعرب».. «ربنا يعطيه الصحة والعافية وطول العمر قادر يارب العالمين».