خاص| فتحي سند عن زيزو: له مزايا كثيرة.. ولكن

تحدث فتحي سند الناقد الرياضي عن موقف أحمد سيد زيزو نجم نادي الزمالك، بشأن تجديد تعاقده أو رحيله عن القلعة البيضاء.
وأعلن النادي في بيان رسمي أن زيزو مستمر مع الأبيض ولكن لازالت مفاوضات التجديد جارية، حيث ينتهي عقد زيزو مع الفريق في يناير المقبل.
وقال سند في تصريحات خاصة لبوابة أخبار اليوم: «مسألة إن في لاعب في مصر يعوض زيزو، مفيش حد بيعوض حد، ومفيش حد شبه حد، ومفيش حد عنده كل المزايا، واللي شبهه معندوش مزايا مختلفة، ممكن تكون فيها مزايا إيجابية، وبالتالي الحكم والمعايير مين يعوض مين مش صحيح».
تابع: «عمرك شوفت حد عوض حد فأي حاجة، عمرك شوفت حد عوض الخطيب أو حسن شحاته، حد عوض أم كلثوم أو عبدالحيلم أو عبدالوهاب».
◄ اقرأ أيضًا | بعد خسارة الدوري والكأس والرابطة.. الزمالك يتمسك بالأمل الأخير في السوبر المصري
أضاف: «هو حسن الشاذلي هداف الدوري الهداف التاريخي، اللي محدش هيلحقه، اللي جاب 37 جول في موسم، حد هيعوضه، أو يعوض علي أبو جريشة أو فاروق جعفر. كل جيل وكل مرحلة لها المواهب اللي بيكون لها تأثير».
استكمل: «مشكلتنا إننا كمصريين إننا بنسأل أسئلة ساعات، بتأكد حاجة جميلة جوانا "حتة العواطف"، العاطفة عندنا بتخلينا أحيانا بنحكم غلط ومنقيمش صح، فمسألة إن زيزو حد هيعوضه، ممكن زيزو يمشي، وحد ييجي أفضل من زيزو، ممكن زيزو يقعد ويجيلوا لا قدر الله إصابة أو أي حاجة، فالحسابات غلط».
أتم: «زيزو له مزايا كتيرة، لكن ممكن جدًا جدًا يطلع نماذج تانية، فيها مزايا مختلفة عن زيزو، لكن فاعلة زي زيزو وربما أكتر».