موضوع شامل كل ما يخص المخطوبين بالتفاصيل المملة

نقول على افكار تغيرى بيها مجرى حياتك بينك انتى وبين خطيبك
الاول : هنبدا بنفسنا يا بنات :
لازم علشان نبنى حاجة لازم نعمل ليها اساس من الاول وانتى وحدك بايدك تعملى اساس علشان تعرفى تبنى حياتك صح وفايدك برضو متعمليش اساس وساعتها ممكن الى بنتية ينهد فاى وقت اية هو الاساس دة
ركزوا معايا
1- الثقة بالذات :
بمعنى لازم تبقى واثقة من نفسك قوى يعنى حطى فدماغك ان الانسان دة هتملكية يعنى هتملكية سواء عاجلا او اجلا يعنى اوعى تياسى لان ببساطة ممكن الى تعملية ياخد وقت عقبال متملكى قلب خطيبك .
__________________
2- تراعى ربنا فتصرفاتك :-
قبل اى حاجة مدام بترضى ربك ربنا هيبقى واقف جمبك علطول . وحاجة بس اتمنى تفهمونى علشان مش هفسر قوى الراجل عامتا شهوانى ومن النوع الى اما يفكر فحاجة لازم يوصلها الرجالة عامتا كدة برغم كدة بيحبوا البنوتة الصعبة الى متسلمش بسهولة ومن ناحية تانية بتخلية من غير مياخد بالة يفكر فيكى كتير علشان يوصل للى هو عاوزة ودة المطلوب اثباتة وهيتجنن علشان يوصل للى هو عاوزة .
____________________
3- الاهتمام بالمظهر :-
اى راجل فالدنيا اى كان مين بيحب الست الى بتبقى مهتمية بنفسها والمفروض اى بنت كدة علشان تتجنبى على الاقل خطيبك يبص لبرة لا خلية يقول دى خطيبتى مفيش زيها خلية يتجنن عليكى يحس ان معاة جوهرة يخاف حتى يخلوا الناس تشوفك افتحى النت شوفى وصفات لبشرتك علشان تبقى احلى ايدك اوعى يشوف فيها شعر لا نضفى نفسك اول باول ولا حتى يشوف شفايفك مقشفة لا فى طرق بتخلى الشفايف جميلة ورطبة وحتى شكلك حطى مكياج او اى حاجة المهم وضبى من نفسك غيرى من لفت الحجاب كل مرة يشوفك فيها البسى احلى لبس عندك المهم يشوفك ميلاقيش فيكى غلطة .
__________________________
3- تصرفاتك :-
الرقة ثم الرقة ثم الرقة هقولكم لية احنا كدة بنرمى لبعدين ازاى هقولكم اى راجل اما بيشوف البنوتة الى معاة رقيقة عمرة مهيفكر يشد عليها لانة عارف انها رقيقة ومش هتستحمل . واما يبقى قاعد معاكى بلاش تحسيسية ان صاحبة هو الى قاعد معاة لا حسيسية ان ارق بنت على وجة الارض قاعدة معاة كسووووووووووووووف كسوووووف وانتى قاعدة معاة بس بلاش تزيد عن حدها علشان متتقلبش تضدها الابتسامة رقيقة الكلام واطى الرقة كمان فالكلام الكلام فحدود لان الكلام الكتير هتفصح عن شخصيتك خير الكلام ما قل ودل حتى قلة الكلام هتحيرة فيكى حسيسية انك بتحبية بس مجرد تحسيسية بس اوعى تقوليلة كل شوية بحبك بحبك بحبك لا خلى الكلمة دى عزيزة قوليلة كلام حب ودلع اة بس بالقطرة تقطريلة فالوقت المناسب .
________________________
4- الغموض :-
اى راجل بيخطب بيرغى كتير مع خطيبتة علشان يفهم شخصيتها وبمجرد فهم شخصيتها انسى بقى . لا بلاش كلام كتير وبلاش رغى الحريم دة علشان ميفهمكيش دا غير ان الكلام الكتير بيغلط الواحدة
_______________________
5- الاهتمام :-
بمعنى بلاش تبقى جافية لا اسالية ها عملت اية فشغلك ربنا يقويك يا حبيبى شكلك تعبان انهاردة خلى بالك من نفسك اشرب كذا علشان شكلك تعبان لا ارتاح انهاردة ها حبيبى بقيت كويس الحركات دى اهو دة بقى دليل عن حبك لية منك حسيستية بس مقولتيش فهمنى يعنى تصرفاتك بينتلة حبك احسن مكل شوية تقوليلة بحبك بحبك بحبك وهتبقى الكلمة ملهاش طعم من كتر مبتقوليها
_____________________
6-الاغراء :-
الراجل زى مقولتلكم قبل كدة شهوانى فجنينية خلية يتروش بيكى ازاى اكيد اما يلاقيكى مهتمية بنفسك دا غير اما يلاقيكى صعبة ( بمعنى الى هو عايزة من بوس او غير ذالك وميلاقيش ) حركة العين فبصتك لية او حركات الشفايف واتمنى تكونوا فهمتم لانى مش هعرف اوضح حركتك فالجلوس ضحكتك مش هقول مايصة بس ضحكة دلوعى . دا غير شقاوتك وضحك وهزارك اروشية بس بالعقل علشان ميقولش عليكى هبلة خلية ياخد فكرة عنك انك دمك خفيف صدقينى اما يبقى مخنوق انتى اول واحدة هيجرى عليها لانة مشفش منك غير الضحك والفرفشة
_______________________
7- النكد:-
الراجل معروف عنة انة مبيحبش النكد ابعدى عن النكد ابوس ايدك الرجالة بتطفش من كدة خلية يقول عليكى الركن الهادى الى بيريح فية اعصابة كدة بتقربية منك
____________________
8-العقل :-
بمعنى مش مجرد انة عمل فيكى حاجة تبقى نهارة اسود لا خالص انتى كدة بضيعى حقك من غير متحسى لو اهانك او زعلك متتكلميش بس تقفلى معاة السكة كدة او كدة هو هيراجع نفسة وهيغلط نفسة ميت مرة وهيجيلك يصالحك دا غير هياخد فكرة عنك انك عاقلة بس برضو عارفية ان زعلك وحش علشان مياخدش على كدة
____________________
9-الاسرار :-
اوعى يقولك على سر تقولية ابدا خلية يحس معاكى بالامان والثقة علشان يقولك على كل حاجة
___________________
10-الاكل :-
زى محنا عارفين ان فى رجالة كتيرة بتاعت بطنهم يعنى اوعى تعرفية انك مبتعرفيش تعملى حاجة فالمطبخ لا حسيسية انك ست بيت شاطرة كل مرة يجيلك اعمليلة حاجة حلوة وقوليلة دى عمايل ايدى او خلى حد من عندك يقولة الرسالة دى هههههههههههه علشان يطمن على مستقبلة
____________________
11- اهل خطيبك :-
بلاش خيابة وكلى عقل حماتك وقوليلها يا ماما مش هينقص منك حتة يعنى هتيلها هدية اهو زى مبيقولوا تهادم تحابوا وابقى اسالى عن اهل خطيبك اهو تتقى شرهم دا لو مش كويسين ودى فيها شرح بالنسبة لمعاملتك لاهل خطيبك بس بعدين مش دلوقتى نعلق الواد الاول ههههههههههههه ونبقى نشوف اهل الواد
__________________
12- حياتك العملية :-
فى رجالة بيحبوا طموح الست النقطة دى على حسب شخصية خطيبك يعنى لو خطيبك مبيحبكيش تشتغلى يبقى انسى النقطة دى اما لو خطيبك بيحب الست الطموحة يبقى لازم تحسيسية انك بتحبى شغلك جدا يعنى بلاش تحسيسية انك فاشلة
طيب انا اتكلمت عنك ازاى تعملى اساس لنفسك ولو فى حاجة جديدة انا نسياها هرجع واكتبها
__________________
_______________
نيجى بقى لانواع الرجالة باختصار شديد جدا وبعد كدة هنشرح كيفية التعامل مع كل شخصية :-
1-الراجل السياسى
2-الرجل الطفل
3-الرجل المهم
4-الرجل الغامض
5-الرجل البروفيسور
6-الرجل الحنون
7-الرجل المحب للمثالية
8-الرجل الديكتاتور والانانى
9-الرجل الشرس
10-الرجل البخيل
11-الرجل الشكاك
12-الرجل الجاف عاطفيا
13-الرجل العدوانى
14-الرجل النكدى
15-الرجل الفوضوى ( بمعنى الطفل المدلل جدا )
16-الرجل الغير سوى
17-الرجل المراهق
شوفتم انواع شخصيات الرجل كتيرة صح بس للاسف دا الى بنشوفة فمجتمعاتنا دلوقتى وكل واحدة اكيد فاهمة شخصية خطيبها انهى من دول ( يلى بقى نشرح كل شخصية وكيفية التعامل معاها )
____________________
(1) الرجل السياسى :-
هو الرجل الذى تكون اهتماماتة سياسية ويتمتع بشخصية قيادية وهو يهتم بنشرات الاخبار والاحداث التى تجرى حولة وتكون اهتمامتة هذة اكثر من اهتماماتة بخطيبتة او بيتة او اى شىء وعليكى انك تشاركية اهتماماتة دى كلها وتحبى الى هو بيحبة وتتناقشى معاة فالامور الى زى دى انتى كدة بتخلية يقرب منك
(2) الرجل الطفل :-
هذا الزوج مدلل يسعى للحصول على المكاسب بدون بذل جهد ,يريد يكون محور الاهتمام ,وان تلبي طلباته فورا وان يأخذ بلا عطاء .وهذة الشخصية تحتاج الى ام اكتر من خطيبة او زوجة بمعنى كونى لة اما فى كل شىء سلوك الام وطباعها والشخصية دى بترمى الحمول كلها عليك انتى تتعاملى معاها ازاى لازم تحسيسية بالامان وبالراحة وتدللية ولو لية اخطاء سامحية بصى كانك بتتعاملى مع طفل صغير شوفى هتزعلى من طفل صغير ازاى وهتعقبية ازاى وهتعديلة غلطاتة ازاى
(3)الرجل المهم:-
والشخصية دى بتعيش الدور شوية بتحسس نفسها انها مهمة فكل حاجة وبتدى اوامر زى مهية عاوزة مهو شخصية مهمة بقى بس للاسف بيعيش نفسة فمظاهر كاذبة طبعا من خلال سلوكياتة وطبعا بيحس ان زوجتة او خطيبتة زى السكرتيرة الى المفروض تطيع كل كلامة واوامرة ويحب ان الست الى معاة تقولة على كل كبيرة وصغيرة بمعنى تقولة تقرير يومى مهو شخصية مهمة بقى وكل ما يزيد وظيفتة او اى حاجة بتحصلة كل ما الاوامر تزيد بمعنى بياخد فنفسة قلم جامد قوى تعرفوا الشخصية الى زى دى بتبقى عاملة زى السى سيد تتعاملى معاة ازاى بقى لازم تلبى كل اوامرة وتخلية يحس انة سى السيد
(4)الرجل الغامض:-
والراجل الى زى دة بيكون ساكت علطول مبيقولش الى جواة بسهولة وملوش صداقات كتيرة ومبيهموش يعرف الامور الى بتحصل حولية مبيحبش يقول اسرارة ابدا تتعاملى معاة ازاى الشخصية الى زى دى بيحتاج لطبيبة نفسية بس بصورة خطيبتة او زوجتة لازم تقدرى مشاعرة لان للاسف الشخصية دى بتبقى طباع اتعاملى معاة باسلوب المواجهة بس باسلوب لطيف واوعى تحسيسية انك بتطفلى على اسرارة لا هيطفش منك خدية واحدة واحدة عودية عليكى الاول حسيسية انك امانة كتر كلامك معاة هتخلية ينشد ليكى واحدة واحدة وبكدة هيبدا يتكلم معاكى واحدة واحدة اوعى تخديها معاة قفش او تتسرعى لا خدية واحدة واحدة الشخصية الى زى دى محتاجة انك تقربى منها علشان يتعود عليكى ويطمنلك بس مش بتطفل
(5)الرجل البروفيسور:-
والراجل دة بيحاول يحسس الى حولية انة فاهم فكل حاجة وكل المجالات وان محدش بيفهم زية بيضايق قوى اما تقوليلة لا انت غلطان او تصححيلة حاجة واما تقطعية فالكلام برضو التعامل معة التعامل مع الشخصية دى حسيسية انك التلميذة المطيعة الى بتسمع استاذها بانتباة من غير متقطعية
(6)الرجل الحنون:- والشخصية دى ممكن تساعد الى حواليا حتى لو هيبقى فوق طاقتها يعنى ممكن تلاقية بيساعد فاعمال المنزل ويقوم بدور المراة فالمنزل يغسل اطباق والراجل الى زى دة مبيعجبش كتير من البنات لانة بيقولوا علية مش راجل . وممكن برضو يكون راجل مسامح بيغفر كتير لاخطاء خطيبتة وبيستحملها وكعادة المراة بتزيد فيها ساعتها فى بنات بيقولوا لا انا مش حاسة ان معايا راجل مع انة لو عاوز يفرض شخصيتة هيفردها كويس اوى بس قلبة ومشاعرة هية الى بتوجهة مش عقلة وعلى حسب الست تتعامل معاة من الاول تعرفة مهتمة وميعديهاش وتعرفة مهتمها هية كمان علشان يرتاحم دا الكلام دة للى مش عاجبها الوضع وزى مفى ستات مبيحبوش كدة فى ستات تانية بيحبوا كدة براحتكم يعنى
(7)الرجل المحب للمثالية :- والراجل الى زى دة بيبقى التعامل معاة صعب قوى لانة عاوزة كل حاجة مظبوطة بالملى حتى خطيبتة بيبقى عاوزها مفيهاش غلطة واحدة سواء شعرها مكياجها لبسها جسمها وزنها طريقة مشيها طريقة كلامها اسلوبها اكلها شربها كل حاجة فحياتها تبقى مثالية بس زى مهو كدة من النوع الى بيقارن بمعنى لو قاعد مثلا قصاد التليفزيون وشاهد مذيعة شعرها حلو او لبسها او طريقة كلامها اى كان ممكن يقارن بينها وبين خطيبتة ومش شرط تليفزيون ممكن جارتة او اى بنت شافها فالمفروض على خطيبتة انها فعلا تكون مثالية فكل حاجة على الاقل تتجنب ان خطيبها يقارن بينها وبين حد وعلى فكرة مش شرط انة بيقارن انة يعرفها لا ممكن يقارن بينة وبين نفسة والمفروض على الست انها تحسسة انها فعلا مثالية فكل حاجة لازم تحسيسية انك جوهرة ممتازة فكل حاجة شوفى اية الى عاجبة فيكى اظهرية اكتر يمكن دة يدارى على عيوب تانية بس حاولى برضو تصلحى العيوب الى فيكى
(8)الرجل الديكتاتورى او الانانى :- ديكتاتورى او انانى الاتنين وجهان لعملة واحدة ودة بيرجع للتنشئة الخاطئة منذ الصغر بترجع لاما للتدليل الزائد او القسوة الزائدة والشخصية الى زى دى مبيشوفش حد فالدنيا غير نفسة بس ومبيفكرش غير ان لية حقوق على الاخرين بس اما الاخرين لا يمثلون عندة اى شىء او اهمية وكل واحدة تشوف ياترى الصفة دى راجعها لقسوة الزائدة يبقى الصفة دى ظهرت لانة حاسس بالخوف وان مفيش امان عليكى انتى بقى تحسيسية بالامان والحب والحنان اما لو الصفة دة ظهرت بسبب التدليل الزائد يبقى فى اتجاهين وانتى برضو الى هتقررى شوفى ياترى بيجى بالشدة ولا بالتدليل لو بالشدة هيسمع الكلام خير وبركة عرفتة الحل اما لو بيجى بالتدليل يبقى عاملية كانة طفل وخدى الى عوزاة واحدة واحدة اوعى تفكرى انك هتاخدى الى انتى عوزاة مرة واحدة غلط وهتخسرى فكرى بعقلك
(9)الرجل الشرس:- والشخصية دى بتبقى التعامل معاها صعب شوية لانة بيبقى غاضب وثائر دائما ومبيحبش حد يناقشة فاى قرار قالة وبرضو بيبقى راجع للتشئة الخاطئة من الاول ومينفعش الست انها تتناقش معاة فاى حاجة لانها هتبقى الخسرانة لانة عمرة مبيعترف انة غلطان ابدا على حسب الست الى تحب تكمل مع شخصية زى دى يبقى تطيعية طاعة عمياء لغاية متعرفيلة اى مدخل ضعف تدخليلة منة
(10)الرجل البخيل :- الرجل البخيل يتفسر بقى البخل دة باى طريقة ممكن بخيل فمسالة الفلوس او بخيل عاطفيا ندخل الاول فالبخيل عاطفيا دة برضو بيبقى سبب التربية الخاطئة من الاول لانة معندوش رصيد كافى من الحنية والعطف والحنان فازاى اذا كان هو مشبعش من الموضوع دة هيدية ازاى لانى بشوف بنات كتير بيقولوا خطيبى بارد جدا لا هو مش بارد هو معندهوش رصيد من الحنية والدلع علشان يدهولك هو متعودتش على كدة فايدك انتى يا فتوكة تغيرى دة اولا معنى انة بخيل عاطفيا انة مش حس بالامان اولا تدلعية عوضيلة الى اتحرم منة زمان بس بحدود وعلى حسب الشخصية تقدرى تحددى هتديلة جرعة الحنية قد اية وازاى اما البخيل ماديا ودة لية كلام تانى خالص بس هيبقى لبنوتة المتجوزة يعنى اما تتجوزوا باذن الله خلينا دلوقتى فى فترة الخطوبة
(11)الرجل الشكاك :- والشك هنا نوعين ممكن يكون بسبب تجربة مر بيها خوفتة وخليتة يشك فكل الى حولية وممكن يكون بسبب تربية خاطئة وفكلتا الاحوال الشك هو شك يعنى لازم تحسيسية بالامان من نحيتك عرفية انة اهم حاجة فحياتك واوعى تغلطى قصادك لان غلطتك دى عمرة مهينساها فحياتة لازم تبقى حذرة قوى فالتعامل اوعى تكدبى علية خلية يحس انة اهم من اى حاجة فحياتك انة اهم اهتماماتك خلى الشك دة يتقلب لثقة ليكى اوعى تحسيسية ان اى حد اهم منة
(12)الرجل الجاف عاطفيا :- والشخصية دى كتير من البنات بيعانم منها وبرضو بتبقى راجعة لتنشئة الجافة عاطفيا والنقطة دى انا اتكلمت فيها وشرحتها فالراجل البخيل ( عاطفيا )
(13)الرجل العدوانى :- والشخصية دى بتبقى التعامل معاها صعبة جدا لان اسهل طريقة عندة لحل المشاكل هى الضرب او السب او الاهانة عامتا وكل دة بيرجع لتربيتة الخاطئة ولازم الست تاخد موقف حاسم من اول موقف مع الشخصية دى علشان ميتعودتش على كدة
(14)الرجل النكدى :- وللاسف بعض الرجالة مبيحبوش النكد بس يحبوا هما الى ينكدوا امخاخ بعيد عنكم المهم الست الشاطرة هى الى تعرف الاسباب الى بتخلى خطيبها يقلب بنكد ويتعصب وتبعد عن الاسباب دى ولازم يا فتوكة تمتصى غضبة اوعى تاخدى وتدى معاة الند بالند وهو فالحالة دى لانة عمرة مهيسمع منك اى كلمة لانة بيبقى فساعة غضب ودماغة واقفة ساعتها مبيسمعش غير نفسة فالوقت دة فامتصى غضبة وفى رجالة ممكن يجم بالفكاهة والضحك بس انتى الى هتحددى دة شوفى لو جة بالضحك وخرج من مود النكد دة يبقى خير وبركة اما لو اتعصب بزيادة فاوعى تضحكى ليفكرك بتستهزئى بية وبرضو لو اتخانق او زعق متتكلميش خالص لانك لو اتكلمتى بضيعى حقك كدة لا اكستى خالص وحاولى تختصرى فالكلام لية لانة كدة او كدة اما يقعد بينة وبين نفسة هيراجع الكلام الى قالة واكيد هيغلط نفسة بس ساعتها على حسب المشكلة لو مشكلة بسيطة سامحية بس برضو تحسيسية انك لسة زعلانة اما لو المشكلة جامدة واهانك قوى يبقى سيبية فترة ومتسامحهوش بسهولة
(15) الرجل الفوضوى (المدلل):- والشخصية الى زى دى بتعتمد على غيرها فكل حاجة ودى راجة للتربية الغلط وللاسف الشخصية الى زى دى هضر اطفالها جدا لان المفروض الاب يبقى قدوة للاولاد واما الاطفال يشوفوا الاب فوضوى ولا يتحمل مسؤلية شىء اكيد هتنعكس عليهم والست المفروض تتعامل مع الشخصية دى بلين وحكمة وتعودة على تحمل المسؤلية واحدة واحدة
(16)الرجل الغير سوى :- والشخصية دى بتبقى غير متزنة نهائى وسببها النشئة الخاطئة والراجل دة بيسمى بزير النساء بيطارد النساء حتى لو صغار فالسن المهم يصاحب اكبر عدد ممكن من النساء ويلعب بعواطف النساء ومش هتكلم تتعاملى مع الشخصية دى ازاى لان المفروض تخافى على نفسك من الشخصية دى
ومش معنى كدة ان اى واحدة خطيبها عينة زايعة ينطبق علية الصفة دى لا مدخليش الامور فبعضها الشخصية الغير سوية دىبتبقى قليلة جدا لانها بتعمل علاقات مقززة وحاجات تقرف جدا حتى لو مع بنات صغار جدا فالسن
( اما الراجل الى عينة زايعة يعنى بيبص للبنات ويعاكس دى شخصية سهل تعديلها )
(17)الرجل المراهق:- بس النقطة دى بتخص الرجالة الكبار فالسن زى متقولى كدة مراهقة متاخرة ودى ملناش دعوة بيها لسة بدرى عليها
طيب نبدا بقى فالجد