«جبنة» يستغيث بعد فسخ عقده مع العربي الكويتي: عاوزين يبطلوني كورة

كشف عبدالرحمن جبنة لاعب نادي المقاولون العرب السابق، عن تفاصيل أزمته، عقب فسخ تعاقده من نادي "العربي الكويتي" بعد 11 يومًا فقط من انتقاله لصفوفه.
ونشر لاعب الذئاب سابقا، عبر حسابه على موقع الصور انستجرام، تغريدة جاء فيها: "حقيقي مش مستعوب اللي حصل معايا، مش قادر أفكر ومش عارف مستقبلي رايح فين، حاسس إني بحلم، عُمر في بني أدم يعمل كدا في حد".
أضاف جبنة: "نادي العربي قال إني مضيت لنادي تاني (درجة رابعة) بدون علمهم ودا محصلش، انا بلعب في الدوري المصري من 9 سنين وبيجلي عروض من أندية كتيره عمري ما أعمل كدا".
◄ اقرأ أيضًا | المقاولون يستضيف الجونة في الظهور الأخير للذئاب بالممتاز
وأشار إلى أن هناك مدربا قال إن في وكيل كويس خليك معاه، ولما لقيته مش شغال ومفيش عروض جبهالي.. رحت نادي العربي، وبعد ما لقيت الشخص دا بيهدد وكيلي أنه هيبطلني كورة، ومش هيخليني ألعب كورة تاني.. ومصمم يأذيني وعاوز فلوس أكتر من انضمامي للعربي.
اختتم لاعب المقاولون السابق قائلا: "المدرب اشتكاني لنادي العربي على أساس اني ماضي في ناديين.. وفي ورقة في اتحاد الكرة راحت ل النادي العربي أني مقيد في نادي الدرجة الرابعة، وانا مش مقيد معاهم أصلا!!، دي كارثة ان في حد واخد فلوس من الاتحاد علشان يبعت ورقه للنادي العربي، ورقة مزورة!! ازاي حد يعمل كدا علشان ألف ولا ألفين جنيه، حسبي الله ونعم الوكيل".