ننشر أقوال المطرب محمود الليثي في قضية تزوير عصام صاصا

تباشر النيابة العامة تحقيقات موسعة في واقعة تزوير محرر رسمي «توكيل عام في القضايا»، والمتهم فيها مطرب المهرجانات عصام صاصا، حيث استدعت النيابة العامة المطرب محمود الليثي لسماع أقواله.
كشفت تحقيقات النيابة العامة في قضية تزوير توكيل عصام صاصا، مطرب المهرجانات الشهير مفاجآت عديدة، حيث تضمن نص تحقيقات النيابة في القضية أقوال المطرب محمود الليثي.
اقرأ أيضا| ننشر نص أمر إحالة عصام صاصا وآخرين للجنايات بتهمة تزوير توكيل
وقال «محمود الليثي» في أقواله ضمن تحقيقات قضية عصام صاصا: «اللي حصل في حادث عصام أنا كنت لسه مخلص حفلة واتصل بيا حد في المجال وقالي إلحق عصام صاصا عامل حادثة وخبط واحد وجريت عليه على الدائري، ولما وصلت لقيت الراجل متوفي وعصام واقف وعربية الشرطة واقفة وعصام كان منهار وبيقول حق الراجل في رقبتي ليوم الدين».
وتابع محمود الليثي، في أقواله: «عصام صاصا قالي حق الراجل وعياله في رقبتي ومرديش يمشي وشيلنا المتوفي في الإسعاف وروحنا قسم الطالبية ولما روحنا عصام اتعرض على النيابة وخد إخلاء سبيل من القسم وكان عنده حفلة في دبي في الإمارات يوم 9 مايو وسافر بعد ما خرج من القسم عشان الحفلة دي».
واستكمل محمود الليثي في أقواله، بعدها بيومين معاذ مدير أعمال عصام صاصا كلمني وقالي أنه في محامي اسمه محمد حمودة وعايزين نعرف اتعابه كام عشان عصام، وروحت لمكتب محمد حمودة فعلا وقعدت معايا أنا وصاحبي سيد واتفقنا على الأتعاب حوالي 2 مليون جنيه وبعدها مشيت وكلمت معاذ وقولت له خلاص الأمور تمام.
وأضاف محمود الليثي في تحقيقات قضية عصام صاصا، عصام صاحبي من 2023 اتعرفت عليه في فيلم وهو واد جدع وغلبان، وقعدنا في مكتب المحامي ربع ساعة عشان نتفق على الأتعاب وبعدها مشيت ومعرفش هو المحامي اللي عصام عمل له التوكيل من برا ولا لا، ومكنش معايا اي مستندات وأنا رايح، ولا أعرف حاجة عن التوكيل المزور بتاع عصام، وكل القصة أني كنت وسيط بس.
وكشفت تحقيقات النيابة في قضية تزوير توكيل عصام صاصا، وتقرير أبحاث التزييف والتزوير، أن عصام صاصا لم يحرر أيا من التوقيعات الثابتة بالتوكيل العام في القضايا رقم 965 / أ لسنة 2024 مكتب توثيق مجلس النواب كما أنه لم يحرر أصل التوقيع المنسوب إليه الثابت بالصورة الضوئية من بطاقة تحقيق الشخصية وأن المحرر للتوقيعات شخص آخر غيره.
كما ثبت من تقرير أبحاث التزييف والتزوير في قضية عصام صاصا، أن المتهم مطرب المهرجانات عصام صاصا، هو المحرر بخط يده لأصل التوقيعين المنسوبين إليه الثابتين بالتوكيل الرسمي العام في القضايا الصادر بتاريخ 14 مايو 2024 رقم التصديق 24/121/7575 والاقرار المؤرخ 28 مايو رقم التصديق 24/121/8550 الصادرين عن قنصلية مصر في دبي.