أزمة جديدة ل«مسلم» بعد غنائه في مدرسة خاصة.. وهذا موقف نقابة الموسيقيين

تخرج كل فترة أزمة جديدة تخص فنان أو مطرب فأزمات الفنانين والفنانات لا تنتهي، وبعد الضجة التي قامت على مطرب المهرجانات مسلم بعد حفل خطوبته وانفصاله عن زوجته الأولى بفتره قليلة تعرض لأزمة جديدة تسببت له بالدخول في تحقيق وتوجيه علامات استفهام كثيرة بسبب الواقعة.
تسبب حفل أقامه المطرب مسلم بإحدى المدارس دون تصريح وبكلمات أغضبت أولياء الأمور، في أزمة كبيرة بالمحلة وصلت إلى فتح تحقيق في المحافظة والمديرية التعليمية بعد غنائه.
وقال الدكتور محمد عبد الله المتحدث باسم نقابة المهن الموسيقية في تصريحات صحفية: إنه تم توجيه استدعاء للمغني مسلم ليحضر إلى مقر النقابة والنقاش معه حوّل تفاصيل أزمة حفل الأخير.
وتابع قائلا: إن مسلم غنى في حفلة بإحدى المدارس دون تصريح من النقابة وتسبب ذلك في أزمة كبيرة، وتم استدعاء مسلم وليس إيقافه لمعرفة ملابسات الموقف وسر غنائه دون تصريح.
وهذة الأزمة تسببت في هجوم أولياء الأمور الذين استهجنوا كلمات بعض أغاني مسلم خلال الحفل وتقدموا بشكوى للإدارة التعليمية وبالتالي وضعت المدرسة في أزمة أخرى.
وفي الانفصال الأول عن خطيبته يارا، أعلن مسلم لبرنامج «أسرار»، الذي تقدمه الإعلامية أميرة بدر على شاشة «النهار»، أنه عاد مرة أخرى لخطيبته السابقة والتي وقفت بجانبه كثيرا.
اقرأ ايضا|في ذكري ميلاده..«عبدالعزيز مخيون» يكشف عن مكسبه الحقيقي من الفن
وأضاف مسلم: خطبت بعد طلاقي ب 7 شهور، لأني حبيت من قلبي مش بعقلي واختيار قلبي، والمرة اللي فاتت كانت اختيار الناس وأني اقعد في البيت واتجوز وممشيش غلط، وكلنا بنغلط وكلنا خطائين، واللي خطبتها من برا المجال ومحترمة من عيلة، واتظلمت معايا، وكانت بتستحمل، والناس افتكرت انها اخدتني من طليقتي وابني.
واستكمل مسلم: أنا معملتش حاجة غلط وعملت خطوبة زي أي بني آدم ومجرحتش حد طليقته بالخطوبة اللي عملتها، وراعيت مشاعرها وعمري ما هجرحها لأنها أم ابني، وكنا مطلقين ومش قايلين لحد، ولما بدأنا نشوف حياتنا قولنا نعلن عشان الناس تعرف، الناس قالت خطوة سريعة، ولكن حسيت مع خطيبتي بحاجات محستهاش مع اللي قبلها، حبيت أن ثقتي في نفسي زادت وقبل كده مكنتش عايش حياة.
وأضاف مسلم، أنه عاد مرة أخرى لخطيبته بعد إعلانه فسخ الخطوبة: ده تسرع مني وأنا اللي نزلت إننا فركشنا وفي ناس قالت بغيظ طليقتي ولا محتاجة أعمل تريند عشان اتشهر، بندم اني عرفت للناس تفاصيل حياتي الشخصية بس اتعلمت، وأنا بني ادم عايز احب واعمل اسرة وحياة،.
وقال مسلم: "احنا رجعنا لبعض لأننا مستحملناش نبعد عن بعض ومرضيناش نقول إننا رجعنا، عشان الناس متفكرش نعمل لقطة ولا تريند، ومش حابب حد يحطها في الحتة دي لأنها أنضف من كده، وناوي اننا نعقل ونكبر ومنتسرعش في اي حاجة بعد كده، أنا اللي اتقمصت شوية وموقف حصل ولكنها مسبتنيش، واحترمتها".