«مكنش في دور».. يسرا تكشف كواليس شخصيتها في «الإرهاب والكباب»

كشفت النجمة يسرا عن كواليس تعاقدها على دورها في فيلم «الإرهاب والكباب» مشيرة إلى ان شخصية «هند» التي جسدتها في الفيلم لم يكن لها دور في السيناريو وأن جميع مشاهدها في الفيلم تمت كتابتها أثناء التصوير.
وأوضحت يسرا قائلة :« كنت أنا واستاذ وحيد حامد راجعين من سفر وأحنا في الطيارة لقيته جايب السيناريو وقالي ابقي أقرأي ده.. أنا خدت السيناريو وروحت وبعد 3 أيام بدأت أقرأ».
وتابعت خلال لقائها في بودكاست «بيج تايم» مع الإعلامي عمرو أديب والفنانة أصالة قائلة :«ملقتش في السيناريو كله غير جملة واحدة عن هند مكتوب هند فتاة ليل في الدور ال 13 بتضرب الستات اللي معاها.. ادور على هند بعد كده مفيش».
واستكملت حديثها :« مقدرش اروح أقول للاستاذ وحيد حامد فين الدور.. سكت ونسيت أكلمه وبعد شهرين اتقبلت أنا وهو وأستاذ شريف عرفة متعودين نشرب القهوة مع بعض الصبح ولقيت استاذ شريف عرفة بيقولي عايزك.. انتي مردتيش على وحيد ليه».
اقرأ أيضا: نجاح كبير واهتمام عالمي.. «الحشاشين» يتصدر المشهد الدرامي
وأضافت عن كواليس عقدها في الفيلم:«قلتله مفيش دور.. قالي ملكيش دعوة استاذ وحيد عايز يشتغل معاكي واستاذ عادل مستني ردك.. قلتله استاذ عادل انا موافقة» مؤكدة على أنها مضت عقد الفيلم على 10 جنيه قائلة :«جبت10 جنيه من وحيد حامد ومضيت وقولته ده عقدي».
وعن تفاصيل دورها أوضحت يسرا ان جميع مشاهدها تمت كتابتها بين شريف عرفة ووحيد حامد أثناء التصوير قائلة:«قعدت اسبوعين تصوير أنا مش عارفة هعمل ايه وفي أخر لحظة ان اللي صممت الفستان وخلص في يوم».
يذكر أن فيلم «الإرهاب والكباب» من بطولة عادل إمام وكمال الشناوي ويسرا وعلاء ولي الدين وأحمد راتب وأشرف عبد الباقي من تأليف وحيد حامد وإخراج شريف عرفة.
View this post on Instagram
A post shared by MBC1 (@mbc1)