بعد تصريحات شيماء سيف.. فنانات اشتهرن بالجرأة في ملابسهن

شنت الفنانة شيماء سيف، حملة من الهجوم على الملابس التي ترتديها البنات أثناء فترة الصيف، واصفة إياه بال"عري".
وأعادت شيماء سيف نشر تغريدة لها قائلة فيها: "خلاص الصيف بيخلص لكن آثاره مكملة، طول عمرنا بنطلع على البحر ونشوف أشكال وألوان مايوهات.. لكن السنة دي العري فاق الوصف، المايوه بقى يتلبس في كل مكان مش على البحر بس.. توب المايوه (اللي في نظري جزء من الملابس الداخلية وده أكثر وصف مؤدب أقدر أقوله) بقى اللبس الرسمي للبنات وفوقه كاش مايوه بيبين أكثر ما بيستر".
وأضافت: "هي البنات دي مالهاش أب أو زوج أو أخ قلبهم ياكلهم عليهم والدم يجري في عروقهم؟، فين نخوة الرجالة؟.. فين حياء البنات؟.. والمصيبة إن كل الأعمار وكل الأحجام مش بتفرق، الموضوع زاد قوى تحت مظلة إنه بلاش body shaming وكلام فاضي".
واستكملت: "فين الحياء؟، الجسم ده المفروض نحافظ عليه مش نمتع غيرنا بيه، الغلط غلط ولو كل الناس عملوه، الغلط غلط ولو أصبح عادة الكل، هفضل أقول ده غلط حتى لو كنت لوحدي اللي بقوله، العري مظهر من مظاهر التخلف الفكري واللي فاكر إنه تحضر ماشي وراء القطيع بدون وعي".
وأردفت: "فين الحياء والعفة والخجل والخصوصية؟.. بالنسبة للي عنده أولاد صغيرين وبيسألوا هي ليه البنت دي لابسة كده يا ماما؟، كل شيء بقى مباح كدة للناس كلها؟".
واختتمت المنشور قائلة: "ربنا يستر علينا جميعاً ويهدي البنات والأولاد ويشوفوا الغلط غلط مهما كتر.. ربنا أرنا الحق حق وارزقنا أتباعه وأرنا الباطل باطل وجنبنا أتباعه"، وأضافت شيماء في نهاية المنشور جملة "منقول بس قال اللي جوايا.. "منقول من صاحبتي ملك صالح بس قالت اللي جوايا بالحرف".
وسيطرت حالة من الجدل، على الوسط الفني عقب تغريدة شيماء سيف، وأعادت إلى أذهان الجمهور أكثر الفنانات الذين اشتهرن بالجرأة في ملابسهم.
وتستعرض "بوابة أخبار اليوم" أكثر الفنانات جرأة، وهم كالتالي :
غادة عبدالرازق
ظهرت غادة عبدالرازق، منذ فترة مرتدية "هوت شورت" قصيرا ومايوه اثناء قضائها اجازة طويلة برفقة ابنتها "روتانا" وحفيدتيها فى إيطاليا مما أغضب جمهورها وعشاقها.
هيفاء وهبي
ارتدت الفنانة اللبنانية هيفاء وهبى مايوه مختلط الألوان ولكنه مكشوف الصدر بطريقة اثارت غضب متابعيها.
رانيا يوسف
اشتهرت الفنانة رانيا يوسف، بالملابس الجريئة التي ترتديها بالمناسبات الرسمية، والفساتين المفتوحة بشكل مبالغ به على حد وصف جمهورها.
فيفي عبده
كانت الفنانة فيفي عبده، تثير الجدل طوال فترات الصيف، بالملابس التي ترتديها، والصور التي تنشرها على صفحتها بمواقع التواصل الاجتماعي.