ناهد السباعي تكشف سر هروبها يوم حفل زفافها |فيديو

تحدثت الفنانة ناهد السباعي، عن سبب هروبها من حفل زفافها وعدم اكتمال زواجها، مؤكدة أنها تحملت نتيجة قرارها، وأنا والدتها المنتجة ناهد فريد شوقي، ليست سبب عدم ارتباطها حتى الآن.
وقالت ناهد السباعي، خلال حوارها مع الإعلامية أميرة بدر، في برنامجها VIP، المذاع عبر قناة هي: لو علمتم الغيب لاخترتم الواقع، وأنا متأكدة أن اللي أنا فيه أحسن بكتير، والحياة اللي كنت هبقى فيها مش مناسبة ليا ومش شبهي، أنا كنت غلطانة ويمكن إني اتصرفت متأخر شوية وكان لازم أعمل كده بدري ومفيش حد بيتعلم ببلاش وأنا تحملت نتيجة اللي أنا عملته.
وتابعت ناهد السباعي، عن سبب قرار ترك خطيبها، قائلة: دايمًا بنات كتير بتفكر إننا نقدر نصلح أو نقدر حاجات كتير تتغير بعد الجواز وأن الحاجات مش هتحصل تاني بالشكل ده وأن الجواز هيغير، ولكن جه مش حقيقي ومفيش حد بيغير حد، بالعكس الناس بعد الجواز بتريح وبتبقى على طبيعتها أكتر، واللي استفدت منه أنه لازم البنت تحترم وتقدر نفسها وتعرف تبقى مع حد شبها، وتعرف تبقى في حياة هي شايفة شكلها مش حياة تبقى بتحلم بيها مع البني آدم اللي بتحبه وأنها هتحقق ده، لأ ده مش حقيقي، لازم يبقى في مقدمات لشكل الحياة.
كما تحدثت الفنانة ناهد السباعي، عن علاقتها بوالدتها المنتجة ناهد فريد شوقي، قائلة: علاقتي بوالدتي قوية جدًا، وفي ناس بتقولي أن علاقتي بوالدتي أقوى من علاقة أي شخص تاني بوالدته ولكني شايفة أن لأ في ناس علاقتهم بوالدتهم زيي وأكتر كمان، وأنا متعلقة بوالدتي أوي لدرجة إني بنام جنبها في السرير وبحس بالأمان.
وردت ناهد السباعي، على سؤال الإعلامية أميرة بدر، حول إذا ما كان ارتباط ناهد بوالدتها هو سبب عدم زواجها حتى الآن، قائلة: مش حقيقي ومش عارفة ليه الناس بتقول كده، أنا اكتشفت أن الأب والأم اللي كويسين جدًا مع بناتهم، ده بيخليهم عندهم اكتفاء جدًا ومبيبقاش قرار الجواز سهل واختياراتهم بتبقى أصعب.
اقرأ أيضاً | محمد رمضان يكشف عن المنافس الوحيد في حياته والدراما الرمضانية