مروان بابلو يطرح أحدث أغانيه «ليلى يا».. فيديو

يستكمل مغني الراب مروان بابلو، مسيرته الفنية وطرح أغنيته الجديدة «ليلى يا»، من خلال قناته الرسمية على موقع الفيديوهات «يوتيوب»، وفي خلال ساعات من طرحها ليلة 13 مارس الجاري، استطاعت الأغنية من تصدر تريندات يوتيوب في المرتبة الثالثة إلى الآن.
وهذه كلمات الأغنية:
راجع تاني أخلص المهمة
وأروح بعديها البيت
في دماغي موسقي
تحكي عن الواقع اللي في إتأذيت
أغلب الناس دي عايزة تضيع وقتها
حطهم عالويت
العقل في الراس
الصحاب في الضهر
و الفلوس في الجيب
-
ليلي يا عيني يا
مين فيهم حسني يا
مين فيهم شدني يا
محدش فيهم شدني يا
ليلي عيني
بهد كل اللي إتبني
شيطاني كتير وزني
شيطاني كتير وزني
-
كل ما اخد فرصة تانية احتاج لفرصة تاني
شاب تايه في زحمة الشباب التايهة
الدروس اتاخدت بس خارج الفصول
تفيد بإيه الكاشات لو مفيش أصول
قالولي إحذر العين إنهم يكيدون
صحيت خلاص من النوم
لقيتني في honeymoon
ميذلنيش الكيف
هكسر البروتوكول
قلم و ميكروفون
دماغي فيها دول
و تبص عالمستوي
تلاقي في نفسنة
أوريجينال بس النسخ
تلاقي في بالهبل
و تشيل حد الشيلة
ميبقاش قدها
بابلو بينكو اختلف
عشان كلامو دهب
الفكرة مش في العدد
ربك واهب مدد
الدنيا دي خلصانة
و مش هتعيش للأبد
و كل ما اخد فرصة
تانية احتاج لأختها
و ارجع اسأل دماغي
كانت فين وقتها
-
ليلي يا عيني يا
مين فيهم حسني يا
مين فيهم شدني يا
محدش فيهم شدني يا
ليلي عيني
بهد كل اللي إتبني
شيطاني كتير وزني
شيطاني كتير وزني
-
مفيش دق ولا money dance
جت بالزق فهم كل الناس
باشا اللقمة في بوئي كنت أقسمها
بس دمهم مياه و باشا كله باش
عالشاشة حاجة غير الكواليس
الاحلام كلها أصبحت كوابيس
الحياه مدرسة كله هيتنسي
بس ليه مدوناش دا في الكراريس
خد الخلاصة بدون الكراريس
لساني فورمة تراي و ترابيس
بيعاملو اغنيا زي المنهج
من اصغرهم لاكبر واحد فيهم تلاميذ
جوا مخي ازميلي الدهاليز
حط البهرات و معاها التحابيش
كلكو علي الفاضي منفوخين
زي المخدات الجواها ريش
انتو في نظري ارانب علي دباديب
هتلفكو و ابقا اشيل التكاليف
طب فيهم حد حقيقي لا مفيش
طب بابلو تيجي فيتشر لا مجيش
شكل البتشربه نساك
كلكو نجوم بس يا فرحتي
بيك و انت نجم حكاك
وتعض إيد اللي رقاك
المجال دا كله بيتهان
امسك لساني ولا اسيبه
اسيب الحمل ولا اشيله
عشرة الف مش كفاية
غير لو جنبهم زيرو زيرو زيرو زيرو
-
ليلي يا عيني يا
مين فيهم حسني يا
مين فيهم شدني يا
محدش فيهم شدني يا
ليلي عيني
بهد كل اللي إتبني
شيطاني كتير وزني
شيطاني كتير وزني
-
عيني يا
ليلي يا
مين فيهم حسني يا
محدش فيهم حسني يا
ولا حد شدني يا
عيني يا
ليلي يا
محدش فيكم همني يا
ولا حد هزني يا
وحده ربي يهدني
ياااا
وتصدر مغني الراب مروان بابلو، تريند موقع يوتيوب بعد طرح أحدث أغنياته «الحلال» التي اقتربت من تحقيق نصف مليون مشاهدة عقب طرحها خلال الشهور الماضية.
وقدم مروان بابلو، عددًا من الأغنيات الناجحة خلال الأشهر الماضية، وكشف الملحن والموزع حسن الشافعي عبر حسابه بتطبيق انستجرام عن أغنية جديدة تجمع بابلو والمطربة نانسي عجرم تحمل اسم «عيشها بعافية».
وفي يناير عام 2021 طرح بابلو كليب «غابة»؛ تمهيدًا لعودته مرة أخرى للراب ومن ثم أطلق ألبوم «كنترول».
وضم الألبوم، 5 أغنيات منها أغنيته الناجحة الأخيرة التي صورها على طريقة الفيديو كليب «غابة».
وحقق كليب غابة أكثر من 21 مليون مشاهدة منذ طرحه عبر قناة بابلو الرسمية باليوتيوب، وتصدّر اسم مروان بابلو جميع منصات التواصل الاجتماعي.
كانت عودة بابلو للغناء من أهم الموضوعات التي تداولها رواد السوشيال ميديا، خاصة أنه ظهر في ظل تصدر خلافات زملائه في الراب سين، وتبادلهم للسباب فيما يعرف ب"الدس".
اقرأ أيضا| بطريقة كوميدية.. تامر حسني يحتفل بخطوبة صديقه| فيديو