رسالة ليلى علوي ل الموسيقار هاني شنودة قبل تكريمه

حرص عدد عدد كبير من نجوم الوطن العربي، علي تهنئة الموسيقار هاني شنودة، بحفل تكريمه في الرياض بالمملكة العربية السعودية في الحفل المقام بعنوان: ذكريات هاني شنودة.
وقالت الفنانة ليلى علوي، خلال لقائه مع قناة lbc، عن الموسيقار هاني شنودة، قائلة: ذكرياتي غالية جدًا وكتير أوي مع هاني شنودة من أول ما بدأنا نسمع موسيقى وكمان مشاركته في الأعمال السينمائية، هو عمل موسيقى تصويرية عظيمة ومشواره غني ومن الحاجات اللي معجبة بيها وبقوله الف مبروك وكانت مفاجأة تكريم هاني شنودة محدش فكر فيها وأنا بشكر صاخب الفكرة وكلنا جايين علشان هاني شنودة.
وتابعت ليلى علوي: هاني شنودة، هو إنسان معطاء وكلنا اتعلمنا منه وفي الأزمات تلاقيه واقف وراضي ودي نعمة اتعلمناها منه، السينما معروف عنها إنها الفن السابع ومنقدرش نستغنى غن الموسيقى في صناعة الفيلم بتقوي شغل المخرج وأداء الممثل وإحساسه بتوصل كلام ميتقالش بيتحس من خلال الموسيقى، هاني شنودة عمل أكتر من 150 فيلم وطلع فنانين وملحنين كتير جدًا حتى لو حصل نوع من التباطؤ في العمل الفترة اللي فاتت ولكنه يستحق التكريم وده دليل على إن كلنا بنحبه.
وكانت أعلنت الهيئة العامة للترفية، عن إقامة حفل لتكريم هاني شنودة، تحت اسم ذكريات، على مسرح أبو بكر سالم، ومن المقرر أن يضم الحفل عددًا من الفنانين، أبرزهم عمرو دياب، أنغام، محمد منير، أحمد عدوية، فرقة كايروكي، مصطفى حجاج، مي فاروق، وآخرين.
النجمة #ليلى_علوي حاضرة في #ليلة_الموسيقار_هاني_شنودة @ShenoudaMusic @GEA_SA @LailaEloui#ذكريات_هاني_شنودة#تقويم_الرياض pic.twitter.com/HxO1taMnMe
— LBC (@LBC_TV) March 8, 2023