تامر حسني يكشف خدعة أحمد أدم: «التريند جنن الناس»

رد الفنان تامر حسني على انتقاد الفنان أحمد أدم له عبر حسابه الشخصي على موقع التواصل الاجتماعي "إنستجرام".
وقال الفنان تامر حسني: «أستاذ احمد آدم فعلاً بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس و خليتهم يبيعوا مبادئهم و صداقتهم وأمانتهم لمجرد أن الناس تعرفهم أو تتكلم عليهم و لو ليوم واحد و نسيوا إنه لا يصح إلا الصحيح عشان ده عدل ربنا، وأي أفاقين مع الوقت هتلاقيهم بيختفوا والمحترم الحقيقي هو اللي بيستمر».
وتابع: «لما نهتم و نرد على كل كداب امال اللي بيحبونا نعمل معاهم ايه !!!!؟، تابعوا قلوب الناس والمواقع اللي هتاخد كلام الاستاذ احمد السلبي و ينشروه، وعلموا عليهم عشان تعرفوا حقيقتهم، والحقيقه أن فعلاً الكلام السلبي هو اللي انتشر، شكراً استاذ احمد آدم لكلامك و اشادتك الحقيقيه في حقي هي شهاده عظيمة من فنان محترم و كبير بفنه و اخلاقه».
اقرأ أيضا|أحمد آدم يكشف رأيه عن أعمال تامر حسني: أغانيه بها إسفاف وأفلامه سيئة جدًا
ومن جانبه قال أحمد آدم في خلال برنامجه آدم شو المذاع على شاشة قناة الحياة: تامر حسني مين مش واخد بالي، مش كفاية عليك كدا بقا ولا إيه، أول ما طلع طلعلنا شعر صدره وقعد يمصمص في شفايفه ويسبّل للبنات.
وأردف أحمد آدم: وبيقدم شوية أغاني تعبانة ويعني إيه أكتر حاجة بحبها فيكي.. طيبة قلبك.. إسفاف، وأفلامه وحشه جدا، وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، أنت مغني ولا كوميديان ولا أنت إيه بالظبط؟ كفاية عليك كدا.
View this post on Instagram
A post shared by AlHayah TV Network (@alhayah1tv)