رد غير متوقع من تامر حسني علي أحمد آدم بعد هجومه عليه!

أثار الفنان أحمد آدم الجدل في أولى حلقات برنامجه "آدم شو"، وهذا بعد انتشار تصريحات على لسانه عن الفنان تامر حسني تارة بالكلام السلبي وتارة أخرى بالكلام الإيجابي ليوضح للناس أي التصريحات ستحدث ضجة أكبر وبالفعل أنتشرت التصريحات السلبية بشكل أكبر.

تصريحات أحمد آدم عن تامر حسني
وكان الهدف من وراء هذه التجربة هو توضيح للناس حقيقة التريند وكيفية صنعه عن طريق مخالفة المعتاد، فقال أحمد آدم في تصريحاته: "إنك تعمل تريند ده مش شيء صعب في ناس هرشت الزتونة وبقت عارفة التريند بيتعمل ليه.. اعمل اي حاجة شاذة اي حاجة هبل اي حاجة عبط اشتم اي حد هتبقى تريند، والغريبة أنها بتخش على الناس".
وتابع أحمد آدم تجربته: "هعمل تجربة مثلاً علي الفنان تامر حسني، فهقول: تامر حسني هو فيه زي تامر حسني الراجل من اول ما طلع بيعمل عظمة عامل اغاني مكسرة الدنيا وبيعمل سينما وكريتيف وبيعرف يفكر ويطور من نفسه وبيكتب سيناريو وبيخرج، وبيفكرني بأنور وجدي بل متفوق أكتر منه".
ثم عاد الفنان أحمد آدم وأستكمل كلامه بطريقة سلبية عن الفنان فقال: "مش كفاية كدا على تامر حسني، هما شويتين وخلصوا، أول لما طلع فتح القميص، وعمل شوية أغاني تعبانة وإسفاف، والأفلام اللي بيعملها وحشة جدًا، ايه اللي يجيبوا لأنور وجدي دا"، وبالفعل أنتشرت هذه التصريحات بشكل أكبر.

رد تامر حسني علي أحمد آدم
من جانبه حرص الفنان تامر حسني علي الرد علي الفنان أحمد آدم وتأكيد صحة تجربته فكتب عبر حسابه على موقع إنستجرام:"أستاذ احمد آدم فعلاً بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس و خليتهم يبيعوا مبادئهم و صداقتهم و امانتهم لمجرد ان الناس تعرفهم او تتكلم عليهم و لو ليوم واحد و نسيوا انه لا يصح الا الصحيح عشان ده عدل ربنا".
وواصل تامر حسني حديثه: "و اي افاقين مع الوقت هتلاقيهم بيختفوا و المحترم الحقيقي هو اللي بيستمر اصل لما نهتم و نرد على كل كداب امال اللي بيحبونا نعمل معاهم ايه؟، تابعوا قلوب الناس و المواقع اللي هتاخد كلام الاستاذ احمد السلبي و ينشروه و علموا عليهم عشان تعرفوا حقيقتهم".
وأختتم تامر حسني حديثه لافتاً:"الحقيقه ان فعلاً الكلام السلبي هو اللي انتشر، شكراً استاذ احمد آدم لكلامك و اشادتك الحقيقيه في حقي هي شهاده عظيمه من فنان محترم و كبير بفنه و اخلاقه".