صدمنا كلنا.. مفيدة شيحة تفتح النار على مبروك عطية لهذا السبب| فيديو

رفضت الإعلامية مفيدة شيحة، تصريحات الداعية الإسلامي الشيخ مبروك عطية، بشأن حادثة الطالبة نيرة أشرف طالبة جامعة المنصورة، قائلة :"الشيء الأغرب فعلا كان تعليق الشيخ مبروك عطية على حادثة نيرة"، وأثار تعليقه جدل كبير جدا وصدمنا كلنا الحقيقة".
اقرأ أيضًا| جدل وبلاغات.. أزمات مبروك عطية مع السوشيال ميديا | فيديو
وأوضحت مفيدة شيحة، في برنامجها "الستات" المذاع عبر قناة "النهار وان" مساء اليوم الأربعاء، أنه :"لانه في الوقت اللي منتظرين فيه من رجل دين يخرج يوعي الناس ويعظهم ويصحي فيهم قلوبهم وضمايرهم لاقيناه خارج يحذر كل ست إنها لو خايفة على نفسها مفروض تنزل من بيتها "لابسة قفة".
وأضافت مفيدة شيحة، أن "قفة، يعني هو ده اللي قدرت تقوله يا فضيلة الشيخ؟ بدل ما تلوم القاتل على فعلته، بدل ما تصبر أهل البنت اللي راحت ضحية أفكار سامة لشاب مجرم في تفكيره وفعله يكون ده تعليقك على الموضوع، ومفروض نلبس كلنا قفف، ومفروض نمشي بقفة خايفين علشان نحمي نفسنا".
وتابعت مقدمة برنامج الستات، أنه: "رجعنا تاني لأصل العيب عليها وشوف لابسة ايه؟! آه بس المرة دي الجريمة مش تحرش يا سيدنا الشيخ، المرة دي جريمة قتل، انت مدرك يعني ايه جريمة قتل؟ معقول حتى القتل بقينا بنطلع نديله مبررات وبدل مانجرم اللي بيعمله بنرهب اللي بتقع عليه الجريمة دي؟
وأكملت الإعلامية مفيدة شيحة :"أنا فعلا مصدومة من الكلام ده وحاولت أقلبه في دماغي كدة 100 مرة علشان أفهم يمكن له تأويل تاني غيراللي فهمناه كلنا بس الحقيقة هو مالوش أي تأويل غير إنه دعوة للعنف ضد المرأة ورسالة ترهيب مخيفة، ومن المخجل إنها تخرج من رجل دين".