رسالة حمو بيكا للطلبة: العلم بيستر كتير أوي.. أوعى تقول فلان ناجح بس مش متعلم

وجه مغني المهرجانات حمو بيكا، نصيحة لطلبة الثانوية العامة والجامعات، تزامنا مع امتحانات نهاية العام الدراسي.
كشف حمو بيكا، عن معاناته بسبب عدم تلقيه التعليم والالتحاق بالمدرسة في طفولته، مؤكدا أن العلم مهم من أجل تحقيق النجاح.
وقال بيكا: رسالة لطلاب الثانوية العامة والكليات.. هو أنا أه مش متعلم وأخدت محو الأمية بالعافية، لكن ده مش حاجه تفرح ولا تقول (عندك بيكا اهو مش متعلم بس ناجح)، صدقوني و الله طعم النجاح مع العلم مختلف تماماً عن طعم النجاح من غير علم".
وأضاف بيكا: "العلم بيفرق في كل حاجة في الدنيا، كمية معاناه بشوفها يومياً بسبب أني مش متعلم كبيرة أوي مش بتمني حد منكم يشوفها أو يتعرض لها".
وتابع حمو بيكا: "العلم بيستر كتير أوي وبيخليك واعي ومتفتح في كل مجالات الحياة ، هو أه الشارع علمني كتير، بس مش زي المدارس والجامعات، حتي لو مش هتشتغل بشهادتك وحتي لو دخلت كلية مش بتحبها ، بس يكفي أنك متعلم و معاك شهادة تقدر تسد بيها عين الشمس".
وواصل مغني المهرجانات: "اتعلموا و خلوا بالكم من تعليمكم و شهداتكم لأنها هتفرق كتير اوي معاكو و مع عيالكم بعد كده، أنا اه مادخلتش مدارس وماتعلمتش ، بس حابب كل اللي حواليا ناجح و متعلم وأوعى يوم تقول أهو فلان ناجح بس مش متعلم ".