إلهام شاهين تكشف سر خلافها مع نادية الجندي: «قالت كلام مش لطيف» | فيديو

أكدت الفنانة إلهام شاهين، أنها لم تتشاجر أو تدخل في خلاف مع الفنانة نادية الجندي بسبب فيلم الرغبة، موضحةً: "كانت زعلانة إن متحطش لقب نجمة الجماهير على الأفيش، رغم إني مليش قوة في الموضوع، وده شغل المنتج والمخرج".
وأضافت شاهين، خلال حوارها مع الإعلامية بسمة وهبة مقدمة برنامج «العرافة»، على قناة المحور: "اسمها كان مكتوب قبل اسمي، ورغم ذلك كانت معترضة وترغب في أن يسبق اسمها لقب نجمة الجماهير .. أنا مكنتش معترضة، وأنا مالي!".
وتابعت: "عمري ما أتطاول عليها، وأقول أنا عاوزة اسمي يبقى قبلها، هي قبلي ولها احترامها، لكن اللي عرفته بعد كده إنها كانت متضايقة بسبب لقبها، لكن حصل زعل بعد كده لما قالت كلام مش لطيف بسبب فوزي بجائزة أفضل ممثلة عن مشاركتي في الفيلم .. لكن دلوقتي بقينا أصحاب".
وواجهت العرافة، الفنانة إلهام شاهين، بتكسير أفيشات فيلم، بسبب مشكلة مع فنانة، لترد إلهام شاهين، قائلةً: "مش كسرنا أفيشات، لكن كان في فيلم كنت بمثله مع فيفي عبده أول ما مثلت، وكنت كاتبة في العقد إن اسمي يبقى الأول، وفيفي مكنتش تعرف".
وأضافت شاهين، خلال البرنامج: "لما خلصنا الفيلم، المنتج قال مش معايا فلوس أعمل دعاية، وكانت زعلانة جدا، عشان كانت في الأول ونفسها في الدعاية، لكنها قررت عمل أفيشات على حسابها، وكتبت اسمها الأول، وعملت محضر بموج العقد، وخلتهم شالوا الأفيشات".
وتابعت: "على ما صدر الحكم كان الفيلم اتعرض وخلص، ومحدش فينا جاب بودي جارد، متكلمناش أنا وهي خالص، لكني حصلت على حقي بالقانون، والنقابة قالت إن الحق معي".
اقرأ أيضا:إلهام شاهين: «الله يحرق السوشيال ميديا بجاز .. ومعرفش مين مي العيدان دي»!