الرئيس السيسي: «محدش يفهمني غلط..أنا بتناول أزمة المخلفات عشان نوصل لحل»

قال الرئيس عبد الفتاح السيسي، إن تكلفة ازالة المخلفات في المناطق السكنية والمحلات التجارية في مصر، يصل ل 800 مليون جنيه.
وأردف الرئيس عبد الفتاح السيسي، خلال كلمته بافتتاح مناطق سكنية بديلة للمناطق الغير آمنة بمنطقة السادس من أكتوبر، قائلا:« تعاونكم معنا كمواطنين في تقليل فرص المخلفات دي .. أو حتى أننا ندخل في المنظومة بسرعة» .
قال الرئيس السيسي:«إن أزمة المخلفات أزمة مشتركة بين الدولة والمواطن»، متابعا: «إيهاب قال عندنا ما يقارب من مليون ونصف متر مخلفات، أكيد الناس هتقول ليه الدولة متخلصتش منهم.. دي أزمة مشتركة».
وأضاف السيسي :«الإسكان الجديد التي تقدمه الدولة للمواطنين يتيح إمكانية إنشاء نظام صحي للتخلص من المخلفات، على عكس الإسكان القديم، المناطق القديمة العربيات مكنتش هتقدر تدخل فيها».
وأكمل الرئيس: «مصر تتفاوض منذ 3 سنوات مع شركات نظافة للتخلص من أزمة المخلفات والقمامة، أنا بقول كده عشان تعرفوا».
وأوضح:«أنا عايز أكمل فرحتنا بالمناطق الجديدة.. عايز أكمل الفرحة بأن ميكونش عندنا حاجة مش نضيفة»، مسترسلا: «محدش يفهمني غلط..أنا بتناول أزمة المخلفات عشان نوصل لحل».
وتحدثت الرئيس السيسي، خلال فعاليات افتتاح مجموعة مشروعات إسكان بديل المناطق غير الآمنة، عن البناء غير المخطط وآثاره علينا، مضيفًا:«نحتاج لعمل برنامج نظافة كويس.. وسنواجه مشاكلة البناء غير المخطط.. وفي هذه الحالة أمامي خيار من اثنين، يا أشوف وأسكت.. يا أشوف واشتغل.. وأنا معرفش أسكت وأنتوا متسكتوش ولازم أحل القضية.. حيث أن حجم المخلفات التي تصدت لها الحكومة في ال 3 سنوات الماضية 2.8 مليون طن.. ودى مش قضية رئيس ولا حكومة بل دولة وناس».
وواصل الرئيس السيسي حديثه قائلا:«ياجماعة فيه دولة فى العالم حجم مخلفاتها 2.8 مليون طن، لا لازم نخلى بالنا من نفسنا شوية.. وإحنا بنحاول نصلح».
وأشار الرئيس عبد الفتاح السيسي، إلى أن البعض يرغب فى البناء بجوار أرضه فيجد أن جيرانه ومن حوله يرغبون فى نفس الأمر معقبا " انت كده بتاكل فى أرضك اللى هى الأرض الخضرا اللى بتطلع إنتاج وفلوس ليك ولغيرك والبلد " .
وقال الرئيس عبد الفتاح السيسي موجها كلامه للمواطنين والإعلاميين : «يجب أن تتوقفوا وتنظروا لما تقوم به الدولة من مشروعات»
وقاطع الرئيس عبد الفتاح السيسي، اللواء أركان حرب إيهاب الفار رئيس الهيئة الهندسية للقوات المسلحة، خلال كلمته، وحديثه عن عمليات التطوير المناطق غير الآمنة، وإزالة 32 منطقة تضم منشآت قديمة.
ولفت الرئيس السيسي، إلى أن«مشروع أهالينا 5 كان عبارة عن مزارع يعمل بها المواطنين، ولذلك قررنا ان نستفيد من تلك الأراضي من خلال إقامة مشاريع لخدمة المواطنين بجانب الإسكان».
وأضاف:«أنا بقول كدا عشان الحكومة تساعدنا..الأراضي دي بتتاخد للناس وبتتكلف كتير عشان نساعد الناس»متابعا: «ما تقوم به الدولة الآن لا يظهر للجميع ولذلك يجب للجميع أن يتوقف أمام ما نقوم به».
وقال الرئيس السيسي، خلال فعاليات افتتاح مجموعة مشروعات إسكان بديل المناطق غير الآمنة،:«بعض الأماكن دي على جسر السويس وكانت عبارة عن مزارع دواجن قديمة.. وكانت غير مستخدمة، وقولنا هنستفيد بالأراضى اللي تبع الحكومة أو المحافظة أو الوزارات المختلفة لعمل مشاريع للناس تتضمن إسكان ومناطق حرفية لتحقيق العمل بجانب السكن».
وواصل الرئيس السيسي :«بقول كدا للحكومة عشان يساعدونا.. عشان نؤكد أن دا بناخده للناس، وبنعمل دا بتكلفة كبيرة من أجل التغيير».
وقال الرئيس عبد الفتاح السيسي ، إن مصر دي بلدنا واحنا عايزين نغيرها ، بس خلي بالكم إن المليون وحدة اللي أحنا بنفتتحهم ، واللي لسه هنفتتحهم ، و بكرر كلامي أن اللي بيتعمل ده بيتعمل من أموال مصر .. وده من بلدنا محدش هيجيب حاجة .
وتابع الرئيس عبد الفتاح السيسي ، خ: أقف هنا .. معملناش مشاريع في أراضي زراعية .. عملناهم في أراضي صحراوية .. وده مش اهتمام الحكومة وأنا بس .. أنتم بتسيبوا الأرض الغالية دي تتضيعوها بالطريقة دي .. وتسيبوا صحراء كبيرة مفتوحة كده
وأشار الرئيس السيسي إلى إننا وجهنا بتطوير والاستفادة من المناطق المحيطة بمناطق بمشرروعات الاسكان الجديدة لخدمة المواطنين.
واكد الرئيس السيسي خلال افتتاح أحد المشروعات القومية للاسكان البديل، أن البناء على الراضي الزراعية قضية تهم الدولة والمواطن
وأشار السيسي إلى أن وعي المواطن هو الأهم لانهاء ملف البناء غير المخطط على الراضي الزراعية
بدأ احتفال افتتاح أحد المشروعات القومية ومشروعات الاسكان " بديل العشوائيات" بحضور الرئيس عبد الفتاح السيسي، بأيات من القرأن الكريم.