بعد فترة صمت.. إيفون نبيل تكشف تفاصيل أزمتها مع زوجها | فيديو

من جديد خرجت البلوجر الشهيرة إيفون نبيل لتكشف أسرار وتفاصيل أزمتها مع زوجها ومنعها من رؤية أولادها، حيث خرجت في بث مباشر عبر حسابها الرسمي على موقع التواصل الاجتماعي «فيس بوك»، عنوانه: «بلاغ للنائب العام.. لأني مش عارفة إيه اللي هيحصل مع ولادي»، لتتحدث عن آخر التطورات في أزمتهما قائلة: «اللايفات اللي ماحبش أعملها بقت كتير أوي، صدقوني كنت واخدة قرار، إلا لو حاجة تخص العيال، المشكلة ماكنتش أتخيل إنها بالسرعة ديه».
وشرحت البلوجر الشهيرة إيفون نبيل، قصة احتجاز زوجها لأطفالها ومنعها من رؤيتهم، إذ قالت وهي منهمرة في البكاء: «بناشد أي حد له سلطة والنائب العام أنا خايفة عيالي يسافروا فجأة، وخايفة وعايزة أعمل منع لعيالي».
مضيفة وهي تبكي بشدة: «اللي حصل الفترة اللي فاتت، رجعت بيتي تاني أنا والعيال، والباص بتاع المدرسة بيجيلهم بدري، لحد ما جالي كورونا، زوجي طلب يشوف العيال، حسيت يومها بصداع وتكسير في الجسم وسخونة، كلمته خلي العيال معاك وتقريبا عندي كورونا، أهله ساكنين في نفس العمارة، ولما كشفت طلع عندي كورونا، وتاني يوم بيقولي كفاية بقى هاجي أقعد في البيت، ورفضت وقولتله في مشكلة مش هينفع أقعد معاك، وسبت البيت ومشيت بعد ما كلمت أخويا، ومكنش عايزني أمشي، ومارضيش يخليني أخد باقي حاجتي».
وأكملت: «بعد كورونا، بكلمه لأن العيال عندهم امتحانات وخفيت، عايزة أرجع البيت، نزلي العيال وحاجات المدرسة، قالي ترجعي فين، الشقة، لا تقعدي في البيت إيه أنا قاعد في البيت، رفض أخد حاجتي، وقالي كفاية شنطة هدومك، روحي للقانون».
واختتمت: «قولتله عايزة العيال، راح مكلم أخويا قاله أنا عامل محضر بحوزة العيال بناء على رغبة الأم، وأنا مامضيتش له على حاجة، وقاله لو عايزة تستلمهم تلجأ للقانون، إما عن طريق القسم أو تلجأ للنيابة».