«كلامه مش صح».. الشافعي يرد على إدعاء رامي صبري بمنح أغانيه ل«الهضبة»

أعلن المطرب رامي صبري، عدم تعاونه مع الملحن عزيز الشافعي مرة أخرى بسبب الهضبة عمرو دياب.
وكتب رامي صبري عبر صفحته على موقع التواصل الإجتماعي "فيسبوك" منذ قليل: "تاني مرة الملحن عزيز الشافعي يأخد أغنية مني واحنا شغالين فيها ويديها لفنان تاني وهوالفنان عمرو دياب بنفس الشكل التوزيعي والموزع، أغنية شكرا كده للي سبنا وأغنية ذي مانتي لذلك قررت عدم التعامل معه مرة أخرى".
الملحن عزيز الشافعي خرج عن صمته ورد على اتهام رامي صبري له قائلا: "مش هرد بالتفاصيل على كلام الزميل المحترم، عشان لما الواحد يبقى ليه فضل بعد ربنا في نجاح فنان وبيزود رصيده مع الناس، بيعز عليه بعد كدة يقلل منه حتى لو تجاوز.
وذكر: "ورغم إن كلامه كله (مالوش أي أساس من الصحة)، احب دايما اشوفه ناجح وبيكمل اللي عملناه و بشكره على إستجابته لطلبي و قراري الشخصي اللي بعتهوله الصبح من خلال صديقنا المشترك محمد حامد بإننا منشتغلش تاني ونكتفي بنجاحاتنا".
وتابع عزيز الشافعي: "بعتذر للسادة الصحفيين اللي بيتصلوا بيا مش عايز ادي الموضوع اكبر من حجمه وبكتفي بالبوست ده و بالكلام المحترم اللي كتبه زميلي وشريكي تامر حسين على صفحته عن أغنية #شكرا، اما بخصوص #زي_مانتي ف ممكن ترجعوا للصديق المشترك محمد حامد و تسألوه و #شكرا لحد كدة".
يذكر أن أغنية «زي مانتي» طرحها عمرو دياب ضمن ألبوم «سهران» وهي من كلمات وألحان عزيز الشافعي، والأغنية الثانية «شكرا» طرحها عمرو دياب ضمن ألبومه الأخير «يا أنا يا لأ» وهي من كلمات تامر حسين وألحان عزيز الشافعي، وحققت الاغنيتين مع الهضبة نجاحا كبيرا.