الزيات تصدر ديوان «بطل النهايات» للشاعر محمد صقر

صدر عن دار الزيات، للنشر والتوزيع، لصاحبتها الدكتورة شاهندة بنت الزيات، ديوان "بطل النهايات"، للشاعر محمد صقر، وديزاين محمد دربالة، تصحيح لغوي وتنسيق: الباشا عبدالباسط.
جاء ذلك ضمن استعدادات الدار لمعرض القاهرة الدولي للكتاب في دورته ال51، التي من المقرر أن تنطلق في 22 يناير المقبل، بأرض المعارض بالتجمع الخامس.
ومن أجواء الديوان:
ديوان بَهديه .. بِكُل ما فيه
لِكُل اللي قالو هنفضَل و راحو
لقلبي اللي لسّه بينزف جِراحُه
لِكُل إلّلي غابو و كُل إلّلي باعو
و كُل إلّلي عابو عليّا زمان
لأحلام أخويا و محمود كمان
يا عيلتي الجميله اللّي فيها الأمان
كلامي في ديواني لبنت السهر
بتسهر تدمع .. في رُكن بأوضتها
لراجل مفارق حبيبته و تايه
ما بين اللي عدى و ايام قضيتها
حاجات في الحياة هتكسر في روحك
و أحلام تسيبك و هتروح لغيرك
حاجات مش مناسبه داعيت ياما بيها
و فجأه تلاقيها في إيد حد غيرك
و هتحب واحده تطيب جروحك
تحارب عشانها و هتروح لغيرك
فإنسي اللي عدّي و زيد الموّده
حياطنك دي سدّه و قلبك شاويش
بيسجن في روحك و بيزيد جروحك
بيتعب في طيرك و ينتف في ريش
كل اللي جنبك مسيره يفارق
و عمرك يعدّي .. هتِجني المفيش