هند صبري: أنقذوا الطفلة خديجة.. علاجها مسئوليتنا جميعاً

ناشدت الفنانة التونسية هند صبري عبر صفحتها الرسمية على موقع التواصل الاجتماعي "انستجرام"، مساعدة طفلة تبلغ عمرها الثاني وهي غير قادرة على الحركة، بسبب مرضها "الضمور العضلي الشوكي"، لعلاجها منه وتوصيل صوتها لمن يهمه الأمر لمحاولة منها لعلاج الطفلة.
ونشرت صبري صورة الطفلة على صفحتها معلثاة عليها ب "خديجة بنت جميلة عندها سنتين، خديجة الجميلة اللي لسه مشافتش الدنيا بتشوف اللي محدش فينا يقدر يتحمله، عندها مرض إسمه الضمور العضلي الشوكي، واللي ميعرفش الضمور العضلي الشوكي دا هو مرض مميت للأطفال لأن ببساطة هو ضمور عضلات بس كمان في النخاع الشوكي".
وأضافت صبري: "خديجة بسبب المرض دا في سريرها مش بتتحرك، من شهر 4 اللي فات قلبها توقف وهي في سريرها و إتعملها إنعاش ودلوقتي معمولها شق حنجري يعني التنفس من أنبوبة خارجة من زورها وكمان الأكل والشرب من أنابيب في المعدة".
وأوضحت هند صبري: "خديجة أمها بس هي اللي بتصرف عليها، و بتصرف 30 الف جنيه في الشهر بس علشان تثبت حالتها مش تتحسن، علشان تتحسن محتاجة 750 الف دولار لأن العلاج الوحيد الفعال إسمه سبنرازا و دا في أمريكا بس علشان واخد براءة إختراع. 750 الف دولار يعني حوالي14 مليون جنيه مصري".
وقالت صبري: "طبعا الرقم ده كبير جداً، بس لو كل واحد ساهم ب شير أو أي حاجة، ممكن نعرف نساعد أم تشوف بنتها بتكبر قدام عينيها، كلنا علينا مسؤولية إننا نعالجها، وأخيراً محتاجين صوت والدة خديجة يوصل، دي بكل بساطة ممكن تبقى بنت أو إبن أي حد فينا، و كلنا مسؤوليين عنها".