تعرف على #حكاية_جبلي أهم قصة على "فيسبوك" بعد هروب #رضوى_جلال

أثارت رضوى جلال الهاربة إلى قطر، تاركة خلفها إيصالات أمانة وشيكات بدون رصيد، جدالًا واسعًا في مواقع التواصل الاجتماعي.
ونشرت صفحة "سفيّر الخير _ Ahmed Gabaly" ، في ظل قضية النصب التي أصبحت حديث وسائل الإعلام والصفحات الإجتماعية، منشور تحت عنوان #حكاية_جبلي.
وتداوله رواد موقع التواصل الاجتماعي، وجاء كالتالي:
"جبلي رحمه الله عليه.. مكنتش عايز أكتب حاجه بس لقيت ناس بتكتب كلام وتهكمات على جبلى الله يرحمه وحبيت أوضح بعض النقاط تعرفها قبل ما تبدأ تحكم او تقول حاجة :-
1- جبلى الله يرحمة قليل أووى اليعرف عنه حاجات ومش هقعد اكتب جبلى كان بيعمل ايه ومش بيعمل ايه !! جبلى توفى وترك أثر فى حياه ملايين من الناس فى العالم كله فبلاش تقليل او شك او تهكم على جبلى علشان مش هنسمح اى حد يقل من شأن جبلى الله يرحمه .
2- من امبارح ناس كثير بعتت ليا على موضوع رضوى جلال زوجة جبلى الله يرحمه انها نصبت على شراكاه معاها فى شركتها " مليكة " بمبلغ أكثر من 15 مليون جنية وناس من التنصب عليهم كلمونى علشان يوصله الى اى حاجة ،، رضوى سرقت او نصبت او عملت اى كارثة ده يرجع لها مش يرجع لجبلى فخليك منصف وحدد كلماتك قبل ما تتكلم .
3- عائلة جبلى وأصحاب جبلى واى حد له علاقه كبيرة بجبلى معندهوش اى علاقة برضوى ولا يعرف اى حاجه عنها ولا عن العائلة بتاعتها فياريت محدش يقعد يبعت للدائرة ده اى حاجه بخصوص موضوع رضوى.
4- عمر جبلى كويس وبخير ومش مع رضوى ودعواتكم له علطول واكيد ملهوش اى ذنب بأفعل رضوى نهائيا .
5- بعد وفاه جبلى الله يرحمة ناس كثيرة استغلت استعطاف الناس لقصة وفاه جبلى وعملوا صفحات بأسم جبلى وجمعوا فلوس والله اعلم بيعملوا بيها ايه، ف اى تصرف غير موثق بيها من عائلة جبلى أو من فريق " صحابى " ليست لها اى علاقه بجبلى نهائيا .
6- الأيام الجاية السوشيال ميديا هتبدأ تكتب والكلام يكثر فخليك عارف النقط الفوق ده علشان تقدر تحط صوره كاملة واضحة عن اى حاجة .
خليك منصف وانشر القضية الصحيحة ومتمشيش مع اى كلام من اى حد
كتب البوست ده علشان زاى ما ناس كثيرة حياتها اتغيرت بسبب جبلى لازما تعرف أن جبلى حاجة ورضوى جلال حاجه تانية خالص فخليك منصف لو سمحت .
والجدير بالذكر، أن رضوى تتهرب من سداد مبالغ ضخمة قامت بأخذها من العديد من الأشخاص تحت ستار الاستثمار ولإحضار بضائع وغيرها من الأمور، ولمعرفة القصة بالكامل "اضغط هنا"