إحم إحم

انتظروني في زفاف جورج كلوني

إيطاليا فيها أزمة تيكيلا وعشان كده المسكين كلوني اضطر يجيب كام صندوق من أمريكا علشان مايتفضحش قدام ضيوفه..كله إلا التيكيلا
تفتق ذهني عن حيلة مبتكرة حتي أشغل زوجتي والبنات عن طلب شراء خروف العيد لهذا العام..أيقنت أن الهجوم خير وسيلة للدفاع وبمجرد أن هل هلال ذي الحجة وهو اليوم الذي عادة ما تبدأ فيه زوجتي الزن في طلب الخروف وقبل أن تفتح الموضوع اتصلت بها تليفونيا من المكتب وقلت لها بلهجة صارمة حازمة:
حضريلي الشنطة أنا مسافر حالا فينيسيا.
ومن امتي ياخويا بتسافر بني سويف بشنطة؟
بني سويف إيه بس ياشيخة هو انتي فاكراني باقولك اهناسيا؟ باقولك فينيسيا فينيسيا يعني ايطاليا يعني البندقية ياولية.
يالهوي يالهوي..وكمان بندقية عشان يقولوا عليك ارهابي..هو انت ناقص شبهة بلاش اعمل معروف وخليك هنا خليك كانن جنب الحيط..معقولة تسيبنا في اسبوع العيد؟ اومال مين هيشتريلنا الخروف ربنا مايقطعلك عادة يابو البنات.
أقولك إيطاليا وفينسيا تقوليلي خروف وعادة وكلام بلدي من ده؟
مش لازم بلدي ياسيدي..حتي لو خروف صيني راضيين !
بلاش كتر كلام مش عايز أتأخرعلي الطيارة لحسن كلوني يزعل
مين هم اللي كلوك ياخويا اسم الله علي مقامك انت جعان ولا ايه؟
اللهم طولك ياروح باقولك رايح أخطف رجلي كام يوم أحضر فرح جورج كلوني وأمل علم الدين وراجعلكم علي طول.
أما انت ليك ناس ناس صحيح..ياما اتحايلت عليك تسافر معايا البلد نحضر فرح بهانة بنت عمي وعتريس واد خالي وانت بتنفضلي !
افضلي بقي عطليني لغاية أما أروح متأخر تكون التيكيلا خلصت!
تيكيلا ايه اسم الله علي نافوخك..انت مالك النهاردة بتقول كلام غريب كده ليه..تكونش أكلت حاجة (تيكيلا)علي معدتك؟
وحياتك مش وقت (ألش) في الكلام..التيكيلا دي مشروبات روحية.
يانهارك اسود ومش فايت؟ انت لسه بتفكر في اللي اسمها روحية اللي كنت خاطبها زمان؟
وبعدين بقي..مشروبات روحية يا مدام حاجة زي الأزوزة والمياه الغازية..تصوري إيطاليا فيها أزمة تيكيلا وعشان كده المسكين كلوني اضطر يجيب كام صندوق من أمريكا علشان مايتفضحش قدام ضيوفه..كله إلا التيكيلا.
طب ماكنت تعمل معاه واجب وتاخدله صندوقين عرقسوس وخلاص؟
عرقسوس؟ فكرة برضك أبقي أجيبهم وانا طالع المطار..قومي بقي حضريلي بدلة.. خدي بالك انجيلينا جولي وسيندي كروفرد هيكونوا حاضرين ومش عايز احراج.
قال عد بدلك ياجحا قال هم اتنين واحدة في الخطوبة وواحدة في الجواز.
لا ياشيخة بتاعة الخطوبة دي بقت قديمة أوي..خليها بدلة الفرح أهي لسه ماسكة نفسها شوية.
شكلك ناوي تعقد كلوني وبراد بيت يا اتش ياجن..بلاش تسافر اعمل معروف احنا ماصدقنا براد بيت كتب علي المسكينة وستّرها..خلي الولاد يتربوا وسط ابوهم وامهم.
ماهو بصي بقي بصراحة السفرية دي أنا حاطط أمل اطلعلي منها بقرشين بدل سفر أبعتهوملكم من فينيسيا بالبريد السريع علشان تجيبوا خروف العيد.
ومين قال بس اننا محتاجين خروف..بلاها ياحبيبي سفر لو كان هو ده السبب..قعدتك وسطينا في العيد بمليون خروف ياخويا !
إيطاليا فيها أزمة تيكيلا وعشان كده المسكين كلوني اضطر يجيب كام صندوق من أمريكا علشان مايتفضحش قدام ضيوفه..كله إلا التيكيلا
تفتق ذهني عن حيلة مبتكرة حتي أشغل زوجتي والبنات عن طلب شراء خروف العيد لهذا العام..أيقنت أن الهجوم خير وسيلة للدفاع وبمجرد أن هل هلال ذي الحجة وهو اليوم الذي عادة ما تبدأ فيه زوجتي الزن في طلب الخروف وقبل أن تفتح الموضوع اتصلت بها تليفونيا من المكتب وقلت لها بلهجة صارمة حازمة:
حضريلي الشنطة أنا مسافر حالا فينيسيا.
ومن امتي ياخويا بتسافر بني سويف بشنطة؟
بني سويف إيه بس ياشيخة هو انتي فاكراني باقولك اهناسيا؟ باقولك فينيسيا فينيسيا يعني ايطاليا يعني البندقية ياولية.
يالهوي يالهوي..وكمان بندقية عشان يقولوا عليك ارهابي..هو انت ناقص شبهة بلاش اعمل معروف وخليك هنا خليك كانن جنب الحيط..معقولة تسيبنا في اسبوع العيد؟ اومال مين هيشتريلنا الخروف ربنا مايقطعلك عادة يابو البنات.
أقولك إيطاليا وفينسيا تقوليلي خروف وعادة وكلام بلدي من ده؟
مش لازم بلدي ياسيدي..حتي لو خروف صيني راضيين !
بلاش كتر كلام مش عايز أتأخرعلي الطيارة لحسن كلوني يزعل
مين هم اللي كلوك ياخويا اسم الله علي مقامك انت جعان ولا ايه؟
اللهم طولك ياروح باقولك رايح أخطف رجلي كام يوم أحضر فرح جورج كلوني وأمل علم الدين وراجعلكم علي طول.
أما انت ليك ناس ناس صحيح..ياما اتحايلت عليك تسافر معايا البلد نحضر فرح بهانة بنت عمي وعتريس واد خالي وانت بتنفضلي !
افضلي بقي عطليني لغاية أما أروح متأخر تكون التيكيلا خلصت!
تيكيلا ايه اسم الله علي نافوخك..انت مالك النهاردة بتقول كلام غريب كده ليه..تكونش أكلت حاجة (تيكيلا)علي معدتك؟
وحياتك مش وقت (ألش) في الكلام..التيكيلا دي مشروبات روحية.
يانهارك اسود ومش فايت؟ انت لسه بتفكر في اللي اسمها روحية اللي كنت خاطبها زمان؟
وبعدين بقي..مشروبات روحية يا مدام حاجة زي الأزوزة والمياه الغازية..تصوري إيطاليا فيها أزمة تيكيلا وعشان كده المسكين كلوني اضطر يجيب كام صندوق من أمريكا علشان مايتفضحش قدام ضيوفه..كله إلا التيكيلا.
طب ماكنت تعمل معاه واجب وتاخدله صندوقين عرقسوس وخلاص؟
عرقسوس؟ فكرة برضك أبقي أجيبهم وانا طالع المطار..قومي بقي حضريلي بدلة.. خدي بالك انجيلينا جولي وسيندي كروفرد هيكونوا حاضرين ومش عايز احراج.
قال عد بدلك ياجحا قال هم اتنين واحدة في الخطوبة وواحدة في الجواز.
لا ياشيخة بتاعة الخطوبة دي بقت قديمة أوي..خليها بدلة الفرح أهي لسه ماسكة نفسها شوية.
شكلك ناوي تعقد كلوني وبراد بيت يا اتش ياجن..بلاش تسافر اعمل معروف احنا ماصدقنا براد بيت كتب علي المسكينة وستّرها..خلي الولاد يتربوا وسط ابوهم وامهم.
ماهو بصي بقي بصراحة السفرية دي أنا حاطط أمل اطلعلي منها بقرشين بدل سفر أبعتهوملكم من فينيسيا بالبريد السريع علشان تجيبوا خروف العيد.
ومين قال بس اننا محتاجين خروف..بلاها ياحبيبي سفر لو كان هو ده السبب..قعدتك وسطينا في العيد بمليون خروف ياخويا !