التوقعات...تعلو بالحب أم تدمره؟!..

تختلف التوقعات، فمنها ما هو مرتبط بشفاء مريض، بزواج، بقصة حب، بإنجاب، بصداقة، بنتيجة امتحان، بترقية، بعلاوة، بوظيفة و بالكثير من الأمور المختلفة، و ربما حتي بتصرفات .
يحدث أننا دائما نتوقع ردود أفعال معينة من أشخاص بعينهم، حتى أننا قد نجد ما نتوقعه يحدث من آخرين غير من ننتظر منهم الفعل، و يرجع هذا إلى عدم الحكم بدقة عن الآخرين، أو أننا في الحب لا نتمكن من الحكم بصدق لأننا تحت تأثير سحر الحب.
تتوقع الفتاة أن يتقدم من تحب لخطبتها فيأتي آخر ويتزوج هو بأخرى، ينتظر هو أن تصالحه حبيبته بعد مضايقته فيجدها تأخذ هي الموقف منتظرة مصالحته لها، و نجد أخرى تنتظر مفاجأة بسبب مناسبة معينة فتجد منه انشغال أو مشكلة ليست في وقتها، و يعتقد آخر بأن حبيبته ستتحمله في ظروف معينة فيجدها أول من تركه للبحث عن آخر.
و قامت بوابة أخبار اليوم برصد بعض الآراء الخاصة بهذا الموضوع، فكانت كالتالي :
قالت "ريم" متهيألي إن المفروض أصلا منتوقعش في الحب، يعني ساعات بببقى نفسي في كلمة حلوة أو متخيلة إنه في موقف معين هيتصرف معايا بشكل و بتفاجيء بشكل تاني خالص، و ساعتها أنا اللي بيصعب عليا نفسي.
و علق "زاهر" حسب العلاقة و قوتها، يعني لو فعلا اتنين قريبين من بعض أوي أكيد هيبقوا وصلوا لدرجة توقع شبيهة باللي بيحصل، لكن لو لسة في البدايات فالأحسن ميتوقعوش عشان ميحسوش إن الحب ده فيه حاجة غلط، هو مبيكنش غلط بس بيكون كل واحد لسه مش فاهم اللي بيرضي التاني.
و شاركت "نهى" لا لا لا لا، التوقع ده بيدمر الحب أوي، منكرش إن محدش بيجي عليه وقت و يتخيل إن حبيبه هيعمله اللي ميتعملش أو حتى يتخيل منه حاجة بسيطة أوي ممكن تكون بالدنيا، لكن بجد مافيش أصعب على البنت من الراجل اللي بتحبه من إنها تتخيل تصرفه بشكل معين في موقف معين ومتلاقيش منه ده، بتحس بجد إنها بتحب من طرف واحد أو إن في خلل في العلاقة بينهم.
و أجابت "جهاد" هو أصعب كمان من التوقع إنك اللي بنتوقعه من شخص بنحبه، نلاقي شخص تاني خالص و لا في بالنا بيعمله وهو فاهم إننا فرحانين بكدة، لما تتوقعي إن حبيبك هو اللي يفرحك ويقف جنبك و يشاركك كل حاجة، وتلاقي شخص تاني هو اللي بيسعى إنه يعمل ده بتحسي أد إيه إن اختيارك كان غلط.
و يرى "عامر" أن الحب هو الحب، و التوقعات لا علاقة لها بالحب، قائلا : الحب عطاء، يعني محدش قال إنه أخد وعطا، و عشان كدة لما نحب مش المفروضنتوقع و لا نستنى، لو اللي أدامنا عملنا حاجة كويسة يبقى الحمدلله، معملش فكدة كدة إحنا بنحبه من غير حتى ميعمل، صحيح إحساس ساعات بيوجع، بس التوقع هيوجع أكتر.