نشطاء تويتر: البرادعي هو الأب الروحي للثورة

تصاعدت وتيرة التعليقات علي موقع التواصل الاجتماعي "تويتر"حول خبر تولي د.محمد البرادعي رئاسة الوزراء، ثم نفي الخبر من قبل الرئاسة، وأصبحت كلمة البرادعي اكثر الكلمات تداولا على تويتر، تليها "الميادين"، ثم "مرسي".
قال الفنان عمرو واكد "سحب الحكومة من البرادعي لإرضاء حزب النور اللي شبابهم في رابعة شيء مخزي لأي ثورة. فعلاً يتقال إخييييييييييي. خابت تاني".
وكتب ابراهيم الجارحي "حزب النور مش ممكن يقبل البرادعي.. دي ناس بتكذب وتفتري عليه وتضلل جمهورها بقالها سنتين .. هاييجوا دلوقتي يبانوا كذابين".
وقالت سحر نوح "حافضل دايما حاسة إن البرادعي هو الأب الروحي للثورة، وهو ضمير الوطن وهو الوحيد المستغني عن أي كرسي أو منصب لأنه شبعاااااااااان."
وقال بركات "بتوع حزب النور لو مش عايزين البرادعي يبقى تنزلوا التحرير بقيادتكم الحلوة دي.. غير كدا مشفش واحد فيكم يتكلم و يتشرط."، واستنكر هشام رفض البرادعي قائلا:"يعنى إيه البرادعى خطر على هوية مصر؟ ما احنا مسكنا عاطف عبيد و مبقناش كلنا خمورجية."