طرحت المطربة آمال ماهر اغنية جديدة بعنوان "انا بنت من البنات" والتى تتناول حقوق البنات والسيدات في المجتمع المصري.
الأغنية من كلمات الشاعرة كوثر مصطفي والحان عمرو مصطفي و توزيع نادر حمدي.
وتقول كلماتها :
من غير ما أقول بحبك حبيتك من سكات
وكبرت لقتني طالعة وأنتي ف القلب غنوة
ويجرى مهما يجرى صورتك في عنيا حلوة
أنا بنت من البنات وكبرت على التحدي
وحلمت إني أبقى وخلاص بقيت يابلدي!!
وخلاص بقيت مديرة وكمان بقيت وزيرة
وبقيت قاضي بيحكم وبقيت أكبر خبيرة
وأم يكرموها فى عيد الأمهات
يابلادى مين أنا . انا بنت من البنات
من غير ما أقول بحبك حبيتك من سكات
وخلاص الخوف خلاص معدش ليه مكان
باب الخضوع خلاص قفلته من زمان
ورجوع عمرى ما هرجع وهكمل مهما كان
وكل يوم بإيدى هرفع اجمل رايات
وعلي الجانب الاخر انضمت آمال ماهر لنادي المليونيرات، بعد أن وصل عدد المعجبين بها على الFacebook إلى مليون معجب.وأعربت عن سعادتها بمعجبيها على موقع التواصل الاجتماعي Facebook، لتنضم لعدد كبير من نجوم الغناء في مصر والعالم العربي.ويوجد عدد كبير من النجوم لديهم اكثر من مليون معجب، ومنهم عمرو دياب وتامر حسني ومحمد حماقي وشيرين وهيفاء وهبي وميريام فارس وأصالة وراغب علامة.
من ناحية أخرى تستعد آمال لطرح فيديو كليب أغنية "اتقي ربنا فيا" مع الاحتفال بعيد الحب في فبراير وقالت "بعتذر عن تأخير الكليب نظرا للظروف والأوضاع في مصر والوطن العربي، ولكل الفانز اللي بتسأل عن معاد نزول الكليب، من المقرر نزول الكليب إن شاء الله منتصف الشهر القادم مع الاحتفال بعيد الحب".
وعن ألبومها الجديد، أكدت ماهر أنه سيطرح قبل نهاية العام الجاري، ولكن لم تحدد موعدا له، وأكدت أنها تعمل جاهدة على أن يخرج الألبوم بصورة مشرفة، ولا يقل مستوى عن ألبومها الأخير "أعرف منين" بل أفضل.