الرئيس في كلمة خلال الاحتفال

الجيش فخر مصر ودائما عند مستوي أمل وثقة الشعب

الرئيس السيسى ووزير الدفاع ورئيس الأركان وقادة الأفرع الرئيسية مع النسور الجدد
القوات الجوية تتولي تأمين الحدود علي مدار 24 ساعة.. علشان محدش «يؤذي» مصر
وجه الرئيس عبدالفتاح السيسي القائد الأعلي للقوات المسلحة كلمة لحضور الحفل ولكل المصريين.. قال الرئيس: «الحقيقة ماكنتش مخطط أقول كلمة النهاردة، ولكن مهم أقول للحاضرين، وكل المصريين اللي شفتوه النهاردة يعكس جيش مصر، وجيش مصر يعني فخر مصر، جيش كان دايما عند مستوي الأمل والثقة اللي الشعب المصري دايما كان يري ده في جيشه.. جيش منه، جيش بتاعه، جيش ليه.. هو ده جيش مصر فخر مصر».
واستطرد الرئيس السيسي قائلا: «أنا أقدم التهنئة لأبنائنا.. أبناء مصر علشان ينضموا لجيش مصر اللي بقي لهم دلوقتي 36 شهرا».
وقال الرئيس: «فيه حاجات أنتم تعرفوها، وحاجات تانية متعرفوهاش.. الجيش بيقوم بالدور المطلوب منه لحماية تراب الوطن، ولحماية الشعب من أعدائه، وربنا يوفقه في ذلك. أسجل كل الاحترام والتقدير لأرواح الشهداء من الجيش والشرطة والقضاء وأي شهيد مصري.. وأتمني كل الصحة والعافية للمصابين».
وقال الرئيس السيسي: «بقول 36 شهرا لأن الجيش ابتدي مهمة تأمين الحدود قبل 30 يونيو ب 6 شهور.. والقوات الجوية بتقوم علي مدار ال 24 ساعة بتأمين كل الحدود، وبالأخص الحدود الغربية علشان محدش يؤذي مصر ولا المصريين.. فيه تضحيات بتتقدم محدش كتير يعرف ده».
واختتم الرئيس كلمته قائلا: «التحية للطلبة الخريجين، ولأسرهم اللي جهزوهم كويس.. وقدموهم لمصر علشان يبقوا مشاركين في حماية مصر، مبروك ليكم، وأنا مش هطول عليكم، علشان أكيد أسركم عايزة تحتفل وتفرح بيكم.. يارب يحفظكم، ويحفظ مصر، وجيش مصر.. والسلام عليكم ورحمة الله وبركاته».