السيسي : طلبت محاكمة موظفين بالرئاسة تجاوزوا

لا أحد فوق القانون ولا مجال لمحسوبية

كشف الرئيس عبد الفتاح السيسي للمرة الأولي عن إحالة بعض المسئولين في مؤسسة الرئاسة للمحاكمة بسبب بعض التجاوزات التي قاموا بها خلال الشهرين الماضيين وقال الرئيس , خلال افتتاحه أمس 32 مشروعاً جديداً في مجالات الاسكان والطرق والكباري «أنا هقولكم علي حاجة صغيرة.. من كام شهر اتصلوا بيا قالولي فيه تجاوز في مؤسسة الرئاسة.. فقولتلهم هتعملوا ايه.. وأنا عارف هعمل إيه» وأضاف السيسي أن مسئولي الرئاسة قالوا له «يافندم نلم الدور علشان المؤسسة وكده» فرد عليهم الرئيس السيسي قائلا «والله يتحاكموا.. هو مفيش حد مش بيغلط ولا ايه.. واللي يغلط يتحاسب » لافتا إلي أن هذا الموضوع لا يحدث في مؤسسة الرئاسة.. أنا أقسمت بالله الكلام ده لايمكن يحصل.. اللي يغلط نحاسبه وده لايؤثر علي حد ولا جهة ولا وزارة أو أي مكان تاني.. وأنا قولت المثال ده علشان يبقي الجميع عارف.
وأكد الرئيس السيسي أنه لا مجال للمحسوبية أو المجاملة في الوقت الراهن لافتا إلي أنه أعطي من قبل 3 توجيهات وأصدرت التوجيه الرابع بذلك أمس بأنه لامجال للمحسوبية او المجاملة.
وأشار الرئيس إلي أنه تم محاسبة المخطئين في مؤسسة الرئاسة علي تجاوزاتهم لافتا إلي أنه لايوجد شيء اسمه أن هذا الشخص من معرفة الرئيس او تابع له مضيفاً «أنا مبحبش كده.. الناس اللي خدمت معايا في الجيش عارفين إن موتي وسمي المحسوبية.. حقك تخده ومحدش ياخد أكتر من حقه». وطالب السيسي المسئولين بعدم السماح بالمسحوبية أو المجاملة في الوقت الراهن، قائلا «مفيش حاجة اسمها مجاملة لمخلوق.. وده رابع توجيه أقوله بعد ما قولت قبل كده علي الورق.. مفيش مجال للكلام ده.. البلد دي بلدنا كلنا وكلنا هناخد فيها بما يرضي الله والله وبالقانون وبس».