صباح جديد

احنا ملوك الفهلوة وأساتذة الهمبكة والكلام الفاضي، لذلك اخترعنا أمثالا خاصة بنا فقط، مثل «احنا اللي خرمنا التعريفة» و«احنا اللي دهنا الهوا دوكو» و«احنا اللي لبسنا الشمس نضارة» و«احنا اللي ركبنا للجاموسة موتور».. لكن كله كوم وما حدث في الأهرامات كوم تاني خالص لانه حيضيف لأمثالنا حاجة جديدة لنج بس حقيقية مش أونطة وهي «احنا اللي بعنا أحجار الأهرامات».. وللأسف تم اكتشاف هذا بالصدفة البحتة، وهو ما يعني أن رقابة وزارة الآثار فشنك، وممكن في أي وقت نصحي من النوم نلاقي الأهرامات أصبحوا اتنين بس وخوفوا بيتباع خردة في وكالة البلح!