أطفال مصر يحاكمون مبارك

كتبت رحاب عبد المنعم‏:‏ تباينت ردود أفعال الأطفال علي محاكمة الرئيس السابق حسني مبارك بين مؤيد يطالب بإنزال عقوبة الإعدام في حقه علي جرائمه في حق المصريين وتحديدا قتل المتظاهرين ومعارض يقول‏:‏ عفا الله عما سلف وارحموا عزيز قوم ذل‏.‏
وبتلقائية يقول زياد مصطفي عبد الرازق‏12‏ سنة‏:‏ إن المحاكمة مش عاجباني‏,‏ حسني مبارك دا قاتل وكان لازم يتعدم لانه ما حدش يقدر يأمر بقتل المتظاهرين غيره‏,‏ وكمان لازم اهالي الشهداء يأخذوا حقهم ويكون لهم دور في تعديل الدستور‏.‏
أما ماجدة احمد علام‏11‏ سنة وفي الصف الخامس الابتدائي فأكدت ما ينفعش غير انه يتعدم لانه قتل ناس كتير‏,‏ وكمان حبيب العادلي صاحب فكرة موقعة الجمل‏.‏
أما كريم العمدة‏8‏ سنوات وفي الصف الثالث الابتدائي فقال‏:‏ حرام دا منع عننا شر كتير وكفاية‏30‏ سنة لم تحصل حرب واحدة وكفاية اننا عمرنا لم نر الدبابات في الشارع الا مع الثورة علي البلد‏.‏
وقال أحمد السيد يوسف‏11‏ سنة انه قبل محاكمته علي قتل المتظاهرين كان يجب ان يحاكم اولا علي قتله للسادات ومشاركته فيه‏.‏
ندي محسن مصطفي‏12‏ سنة قالت انها خطوة جيدة امام القضاء المصري لمحاسبة رئيس جمهورية‏.‏
وأكد ابراهيم محمد احمد‏10‏ سنوات حرام نحاسبه علي تصرف واحد‏,‏ العادلي هو المسئول لازم نحاسبه ونعدمه هو وجمال وسوزان‏.‏
وفي احد الاركان حيث كان ينزوي مصطفي عماد‏10‏ سنوات قال من بين دموعه حرام عليكو دا كتير قوي رجل عنده اكثر من‏80‏ سنة أد جدو المفروض نسامحه وكفاية كده دا مهما كان بابا حسني‏.‏
أما ياسر كرم أحمد‏13‏ سنة فقال لازم يتحاكم عشان اللي غلط يتعاقب ولكي يعرف كل رئيس جديد أن الشعب هيحاسبه ليكون عبرة لكل رئيس يأخذ الحكم ويعرف ان الشعب يراقبه‏.‏
أما الغريب فكان رد فعل عمر محمد شعبان‏10‏ سنوات الذي اكد ان المحاكمة ليست كافية دا عمل اخطاء كتير قوي وكفاية انه كان يبيع الغاز ب‏10‏ جنيهات وإسرائيل بجنيه واحد فقط‏,‏ وعايزينه يخرج من البلد حرام يعيش في بلد سرقها وأخذ حقوق ولادها‏.‏ أما حسن فايز‏8‏ سنوات فقال كده كتير قوي ارحموه وكفاية انه بين يدي الله واللي بيعيشه دلوقتي اكبر عقاب‏.‏
لكن أحمد نبيل فقال عفا الله عما سلف والمسامح كريم‏.‏


إضافة تعليق

البيانات مطلوبة

اسمك
*


بريد الالكترونى *
البريد الالكتروني غير صحيح

عنوان التعليق *


تعليق
*