راهنت علي الشعب في تحمل نتائج قرارات الإصلاح الاقتصادي

وتابع الرئيس عبدالفتاح السيسي أنا هتكلم علي دول مثل مصر, فيها80 أو90 مليون نسمة موازنتها تريليون دولار وهي دولة عادية, الرقم ده مفيش فيه عجز موازنة ولا خدمة دين بالقيمة اللي بنتكلم عليها, الدولة المصرية الموازنة بتاعتها تريليون وأكثر,
أنا بقول الكلام ده لكل اللي عايز يسمع ويعرف حكاية مصر ومهتم بيها وخايف عليها, إحنا مش قاعدين دلوقتي بنتكلم في الموضوع عشان نقول إننا عملنا حاجة كويسة, لا إحنا لسه معملناش ولسة الطريق طويل ومش عايزين نضحك علي بعض وتشمروا دراعتكم معانا, دولة مثل مصر فيها100 مليون نسمة لا يمكن أن تقل موازنتها عن18 تريليون جنيه, وده رقم مش بنتكلم علي دولة غنية مثل ألمانيا أو فرنسا, وده لو متحققش أنت كمصري لازم تعرف حجم اقتصادك وحجم قدرته لما تتكلم عن موازنة مصر, وهل يا تري المبلغ متوفر كله ولا بنستلف عشان تكمل, للأسف بنستلف عشان نكمل.
وأردف الرئيس هقول مرة اخري لما دولة مثل مصر فيها100 مليون نسمة يجب أن تكون موازنتها18 تريليون جنيه, وانا بتكلم أوعي حد يديني ضهره ويمشي لازم تقفوا جنب البلد وتطلعوا بيها للأمام, الموضوع بالنسبة لي أكبر من أي شيء شخصي والله يعلم ما في نفسي, الموضوع هو انقاذ امة والنهوض بيها ولن يحدث ذلك إلا بالفهم والوعي الحقيقي لحجم تحديتنا والاستعداد بكل القوي والإصرار للتغلب علي واقعنا ونخرج مما نحن فيه, ونحن نقدر علي ذلك بس نبقي عارفين ومستعدين.

مليار جنيه من تحيا مصر لإنقاذ المكفوفين
أعلن الرئيس عبد الفتاح السيسي وضع مليار جنيه من صندوق تحيا مصر لإنقاذ المصابين بالعمي, مؤكدا أن الدولة اتخذت كل ما يلزم عمله في كل المدن الجديدة مرعاه لذوي الإعاقة لافتا إلي أن تطبيق هذا التوجه علي مستوي الدولة المصرية سيأخذ وقتا كثيرا.
خطواتنا محسوبة لإنقاذ الدولة قال الرئيس السيسي: الحركة هتكون محسوبة محدش هيطلب طلبا غير قابل للتنفيذ ومحدش هيقعد في مكاني هنا يوعد وعود مش هيقدر يعملها... مش هيقدر... مش بقول كده يعني طب التحقق خلال الفترة اللي فاتت ده جهد وفضل كبير لله علينا.
وتابع الرئيس السيسسي أنا بقول بكل صراحة ثم كمان لكم أنتم... وما كان يمكن ابدا أن احنا نستمر ونعمل إصلاح اقتصادي حتمي... واحنا اتكلمنا فيها امبارح... بس انا بستدعيها هنا قبل ما اعطي زملائي الفرصة... كل واحد يتكلم في المحور الخاص به... ما كنش ممكن نوقف ساكتين اكتر من كده كانت الدولة ده دخله في منحني تاني يصعب.. وأن ماكنش المستحيل الخروج منها.. لو ماكناش عملنا الإجراء القاسي ده.. اللي حول ببساطة الجنيه من880 و9 إلي18 و19....
وأضاف الدولة حاولت خلال السنين الماضية كلها أن تحافظ علي السعر ده.... ومما ترتب عليه أشكاليات كبيرة جدا بس كان المحافظة علي سعره... يضبط حجم الاسعار في مصر لأنها بالدولار... دولة بتستهلك وبتستور كتير من غذائها60.../70% من غذائها من بره....يبقي هيكون بالدولار... الدولار بقي غالي بسعره الحقيقي...طبقا لقدرة الجنيه المصري... هيبقي طبعا اسعار السلع الاساسية في مصر غالية... الناس مش هتستحمل... فكان هم بيحاولوا يحلوا المسألة بالحفاظ علي سعر الدولار بشكل أو بآخر.
وتابع الرئيس السيسي أنا أول نقطة عايز أقولها ان مسار الاقتصاد بتاعنا لو بصينا عليه من الستينات وحتي الآن هنجد أن المسار ماكنش ابدا... لا كان صاعد ولا ثابت... بدليل أنا حضرت الدولار ده كان3 دولار بجنيه.. وحضرت الدولار في الثمانينات كان الدولار ب120 قرشا و130 و140 قرشا... النهاردة الدولار18 جنيها.. يا تري ده معناه بيعكس ايه.. مش معناه أداءنا الاقتصادي ولا ايه بيعكس كده... أن احنا نزلين علي مدار سنوات ماضية.

150 مليار جنيه تكلفة زيادة المرتبات
واستطرد أنا بتكلم في رقم واحد ال150 مليار جنيه اللي زادت في المرتبات تحت بند العدالة الاجتماعية للمصريين.. البند ده لوحده اللي بنستلفه كل سنه علشان نحققه ونديه للناس وهنفضل نستلفة ونديه للناس.. انا قولت انتو بتسألوا ليه الدين بيتراكم ويزيد لانه بيتراكم ويزيد لان انا لازم استلف علشان أدي للموظفين المرتبات.. ومفيش خيار عندي تاني.. لانه فيه ملايين الاسر عايشة علي الدخل ده.. فيه6 إلي7 ملايين موظف بيقبض من الحكومة كل شهر.. مقدرش اقولو مش هديك علشان ده بيسبب مديونية ضخمة علي الدولة المصرية.
وأضاف اسمعوا ال150 مليار جنيه لو انا افترضت انهم من5 سنين بس وانا قولت ليكم كده امبارح.. هيبقوا عليا دين بعد5 سنين300 مليار, علينا دين.. يعني ببساطة خالص ال6 سنين أو الخمس سنين اللي استلفنا فيهم750 مليار جنيه هيبقي خدمتهم كام بعد5 سنين منهم من كل سنة,,6 سنين سلف150 مليار جنيه بعد10 سنين يبقوا3.6 تيريلون جنيه ببساطة.
وأوضح الرئيس السيسي عاوز تسألني الدين رايح فين أنا اقولك لان حقك انك تعرف متسألنيش تقولي انت هتديني ايه.. قولي احنا رايحين فين.. قولي بأمانة وإخلاص بشرف احنا رايحين فين.. تاني بقولكم أهو ال150 مليار جنيه بعد5 سنين هيبقوا عليكم300 مليار جنييه يا مصريين بعد5 سنين تانيين هيبقوا600 مليار جنيه يا مصريين.. طب لو الكلام ده بقي عملناه في10 سنين استلفنا يبقي انت بتتكلم في تريليونيات كتير.
واضاف يعني أنا بقول كده علشان أخوفكم لا... أنا الهدف من كلامي هو وعي... واكتر حاجة كنت شايف ان هي اشكالية كبيرة جدا موجودة في وسط الرأي العام في بلاد كتير بالمناسبة هو الوعي.. هو الفهم الحقيقي لحجم التحديات الموجود وتقابل أي دولة لو ده أمر واضح بالنسبة لها.

مليون مواطن تم تعيينهم في الحكومة بعد ثورة يناير
وتابع الرئيس السيسي انا قولت يا جماعة انتوا عارفين إن مطلب العدالة الاجتماعية اللي اطلب في2011 اتعين ما يقرب من800 إلي900 ألف أو مليون مواطن, الحكومة مش محتاجاهم.. الحكومة مش محتاجة دول يتعينوا ولكن كان مطلب عدالة اجتماعية.
وأضاف الرئيس السيسي كان مطلب العدالة الاجتماعية أيضا زيادة المرتبات والحد الأدني ولكن قولو لي لما نيجي نعمل ده يترتب عليه ايه.. علشان لما حد من حضراتكم وهو قاعد ميقوليش اين العدالة الاجتماعية في الموضوع.. قولي منين نحقق العدالة الاجتماعية الأول وإلا بقي نكون بنطلب مطالب تؤدي إلي إسقاط الدولة... شعاراتها جميلة وبراقة ولكن في الواقع الحقيقي غير قابلة للتحقيق والتنفيذ وبالتالي تتخرب بلدنا ويبقي احنا اللي بنهدها بايدينا.. زي واحد يكون والده ظروف بسيطة ومحدودة ويقعد يقوله اديني واتصرف.. روح استلف.. مش عاوز يقف جنب أبوه ويتحمل ظروفة, يستعر منه ويتركه كله.. احنا كده.. لأ مش كده.. وانتو اثبتو إن انتو مش كده.

ضرب السياحة مخطط لإسقاط الدولة
وقال: احنا لما بنقول لكم إن الهدف إسقاط الدولة اعرفوه بيتم إزاي, لما أجي النهاردة أقول اللي بيعمل الضرب لقطاع معين من القطاعات وهو عارف هو بيعمل ايه, لما بيتكلم عن إن فيه دخل12 و13 مليار دولار من القطاع السياحي وبحادثة أو حادثتين يتعملوا يقف هذا النشاط يعني الواحد بيصرف بالكتير5 ملايين يعطل13 مليار دولار سنويا لمدة ثلاثة سنين, انا بقول كده ليه لان بقول ان فيه استهداف لمصر والاستهداف اللي بيعمله أوعوا تفتكروا ناس بشتغل بشكل عشوائي دي عارفه هما بيعملوا ايه كويس أوي, عارف أن إزاي يضربك عشان يكسرك مش يضربك عشان يوقعك.
وتابع الرئيس قائلا:- ضرب القطاع السياحي لمدة6 سنوات افقدنا اكتر من80 إلي100 مليار دولار كانوا يدخلوا الدولة يغطوا كتير من الكلام ده, وأنا أشوف مصادر اخري عشان اعوض هذا الرقم علاوة علي القطاع الكبير اللي بيعمل في هذا القطاع2:3 ملايين وراء منهم7,6,5 ملايين أسرة دول قاعدين تحت ضغط الحياة يقول طيب انت هتعمل لنا ايه, عشان انت لما تسمع كده تخرج وتقوم تهدها ودا المطلوب.

مصر بلد كبير
أضاف الرئيس السيسي مصر بلد كبيرة... ومكانتها لا تستعاد بالكلام... الدولة لا تستعيد مكانتها بالكلام... لا... أنا هقولكم كلام صعب بقي... للمصريين... مظاهرتين تهد بلد...اه... مظاهرتين يهدوا بلد... نحاصر البرلمان ونحاصر مجلس الوزراء خلصت مصر... لا... انا مسئول أمام الله سبحانه وتعالي وأمامكم علي ان انا احافظ علي البلد ديه... ويستحيل اسقاطها مرة ثانية.
وتابع احنا... انا مش عايز اقول كلام اصعب من كده... يعني واحد...50 مليون دولار يتعشوا بيهم هناك مع بعض يوقعوا مصر... انا كنت مدير مخابرات في2011 و2010 وعارف الدنيا فيها ايه وبيحصل ايه...الشرفاء اه... واصحاب النوايا طيبة اه... لكن كمان كان في اشرار يستهدفوا اسقاط الدولة... فلابد أن يكون هناك مدن والمدن ديه معمولة علي اعلي مستوي... ناس بتشتغل وتأكل عيش... ومصر الجديدة مصر العفية مصر القوية مش مصر الا احنا... لا... شكرا جزيلا.

إرادة حقيقية لمواجهة الفساد.. والقانون يطبق علي الجميع
قال الرئيس عبدالفتاح السيسي إن هناك إرادة حقيقية لمواجهة الفساد في مصر, ولا يتم التعامل معها بالقطعة, مشددا علي أن القانون يطبق علي الجميع من أول رئيس الجمهورية حتي أصغر مواطن.
ورد الرئيس- خلال جلسة الاقتصاد والعدالة الاجتماعية أمس علي أسئلة بعض المواطنين التي تم عرضها في فيلم تسجيلي, حول دور الدولة في مواجهة الفساد قائلا: هناك إرادة سياسية حقيقية في مواجهة الفساد في مصر ولا يتم التعامل معها بالقطعة, ومن يخطئ يحاسب, والدعم الذي تقدمه أجهزة الدولة الرقابية في هذا الموضوع كبيرا جدا, ففي النهاية لا توجد دولة بها100 مليون مواطن بلا فساد, ولكننا نسعي للوصول إلي النسب العالمية الطبيعية, فليس هناك بشر بلا أخطاء.
وعما يتردد حول إلغاء الدعم علي السلع التموينية, قال الرئيس السيسي: هذا قرار يستحيل حدوثه.. ما زلنا في مرحلة الحديث حول الإجراءات الحمائية للمواطنين لتخفيف تبعات الإجراءات الاقتصادية
وطالب الرئيس السيسي المصريين بالحذر من الشائعات ومحاولات التشكيك وإفقاد الثقة في الدولة.
وفيما يتعلق بقطاع السياحة أشار الرئيس السيسي إلي أن النهوض بالقطاع يتطلب أمنا جيدا جدا, موضحا أن الأمن لا تقوم به الدولة وحدها إنما هي مسئولية جماعية.
وأضاف أنه يجب عليكم أن تنتبهوا جميعا, فقد سبق وأن تحدثنا أننا فقدنا خلال7 سنوات ما يتراوح بين80 و90 مليار دولار نحن في أمس الحاجة إليهم, فيجب علي كل مواطن أن يحذر عند تسكين أي فرد عنده أو عند إعطاء أحد أي مخزن وغيرها من الأمور.
وأكد الرئيس السيسي حرص الدولة علي تطبيق أعلي درجات الأمن والأمان في المقاصد السياحية والموانئ والمطارات طبقا للإمكانات المتاحة.
وردا علي سؤال حول تأهيل الشباب.. قال الرئيس السيسي, إن البرنامج الرئاسي الهدف منه تأهيل الشباب وهناك200 من ذوي المؤهلات الماجستير والدكتوراه سيتم تأهيلهم ليصبحوا في أماكننا.. نحن جادين لتجهيز البلد حتي تقوم علي أكتاف أبنائها المؤهلين القادرين.
وتابع الرئيس قائلا: كل التحديات اللي بتتكلموا فيها دي لما نحطها علي الخريطة ونفردها هتلاقيها كثيرة جدا.. حتي لما حد من الزملاء يطرح اللي كانو بيناقشوا الموضوع.. بيناقشوا الموضوع ويفصلوا عن واقعنا.. مينفعش.. حط الخريطة علي بعضها.. حط الموضوع باعتباراته وبمحدداته.. لو تيجي تقولي صلحلي التعليم.. طيب22 مليونا في التعليم.. ال22 مليون دول يتكلفوا كام... عاوز تقول10 آلاف جنيه.. في العالم10 آلاف دولار في السنة.. في مصر بقول10 آلاف جنيه.. يعني220 مليار جنيه هل هي موجودة؟.. لأ.. أنا قولت كلام في الأول بلد زي مصر عاوزة18 تريليون حتي تصرف بالشكل المناسب, لما الاخت تتكلم في الإعاقة ومطالبها ولما الاخ يتكلم في التعليم ومطالبه ولما الاخ يتكلم في العلاج ومطالبه.. أيوه صحيح.
واستطرد الرئيس عبد الفتاح السيسي, عندكم استعداد يا مصريين اللي يقدر علي حاجة يقدمها ولا لأ نقف كلنا ونقول مش هنسيب بلدنا مش هنسيب الضعيف ولا المحتاج وأنا مش ضد حد بس علشان محدش يفتكر إن هنعمل إجراءات ضد الدستور نحن بناشد الناس واحنا قاعدين كدولة نقاتل وسنقاتل.. حتي تكون مصر دولة ذات شأن وزيادة وسترون بفضل الله سبحانه وتعالي.. وشكرا.
5% من الإسكان الاجتماعي لذوي الاحتياجات الخاصة
قال الرئيس, إن هناك مليونا و200 ألف من أبنائنا المعاقين يحصلون علي معاشات, و5% من الإسكان الاجتماعي تم تخصيصها لصالح المعاقين.
وأضاف الرئيس السيسي- خلال جلسة( المحور الاقتصادي والعدالة الاجتماعية) ضمن فعاليات اليوم الثاني لمؤتمر( حكاية وطن)- إن الدولة تدرس إنشاء صندوق خيري لذوي الإعاقة.
وتابع إحنا لما عملنا صندوق( تحيا مصر) كان الهدف منه عمل آلية مناسبة والسيطرة عليها بشكل جيد يتيح لرجال الأعمال وكل المصريين المساهمة في الصندوق, وكنا نستهدف الوصول إلي جمع100 مليار جنيه لتقديم خدمات للمجتمع, واللي تم تجميعه خلال3 سنوات الماضية لا يزيد علي7 مليارات جنيه بفوائدها.
واستطرد السيسي: لو كان رجال الأعمال والمواطنون عندهم الثقة في هذا الصندوق, يقدر يقوم بواجب كبير تجاه المجتمع و تجاه مشاكله كان ممكن الرقم ده يتضاعف من10 إلي15 مرة في3 سنوات.

هدفي دولة قوية
أكد السيسي: شوفوا انا كل خوفي علي حاجة واحدة بس انها لم تهدم, والكلام اللي بتكلمه الصعب ده ليكم يا مصريين, ان الهدف منه مش عشان ابقي موجود هنا لا والله والله عشان هي تبقي موجوده دايما مصر, ومحدش ابدا يقدر يكسرها, نبقي فهمين نبقي عارفين اللي بيضرب الضربه دي لا دا مش حد بسيط وهو عارف كويس أوي هو بيعمل فيها إيه وهترتب عليها إيه.
وقال السيسي: في كل مكان فيه نشاط سياحي كلنا مش شرطة لا جيش, تبقي عنينا علي هذه القطاعات نحميها بأرواحنا لانها حياتنا وحياة ابنائنا دلوقتي والسنين القادمة.
وعقب الرئيس السيسي علي كلمة طارق عامر قائلا لا يوجد أحد يصرف علي دولة ولابد أن ندرك هذا الكلام.. عقب3 يوليو كان هناك مكتب يدرس الموقف الاقتصادي لمصر وقام بدراسة لمدة6 أشهر وتحدث عن وجود فجوة تبلغ18 مليار دولار سنويا لمدة5 سنوات.
وقال عند الطلب من أحد لإعطائنا90 مليار دولار في4 سنوات.. الأشقاء قاموا بالوقوف بجانبنا ولولا هذه الوقفة كانت مصر ستذهب إلي مكان آخر موجها كل التحية والتقدير إلي الأشقاء العرب الذي وقفوا بجانب مصر.. لولا هذه الوقفة التي يجب أن لا ننساها ونسجلها.. مكنش ممكن نعيش في3 يوليو في تلك الظروف والعمليات الإرهابية التي تتم وفي ناس وقفت بجانبنا دون مقابل.. فلا أحد بإمكانه أن يظل يعطي.., وإحنا المفروض لا نعيش علي هذا.
كما تحدث الرئيس السيسي عن القرارات الصعبة, قائلا لو المصريون لم يتحملوا هذه القرارات لن نرجع في قراراتنا وإنما سنغادر.. وسنقوم بإجراء انتخابات رئاسية مبكرة ويأتي أحد آخر.. الهدف من وراء هذا الكلام هو وضع مصر أمام أعيننا حتي لا تقع مرة أخري.. مثلما حدث خلال السبع سنوات الماضية.. والذي نقوم بدفع ثمنه وهندفع ثمنه لسنوات طويلة.

نحتاج ميزانية18 تريليون جنيه
وقال الرئيس السيسي: أرجع تاني وأقول دولة زي مصر اللي فيها100 مليون علشان تقدر تعمل إنفاقا حقيقيا مناسبا لعدد سكانها لابد وأن تكون ميزانيتها مش أقل من18 تريليون جنيه... علشان حد يقولك هنعملك تعليم كويس علشان حد يقولك علاج كويس... آه في أفكار بنعملها وعاملين... هو لو احنا عندنا الفرصة ديه هنخلي برنامج التأمين الصحي الجديد المشروع يأخذ15 سنة ليه... كنا هنعمله كده... لا.. احنا عملناه15 سنة علشان يتناسب مع الدخول وعملنا كمان المطالب فرضنها علي أصحاب الدخول المختلفة علشان يبقي في موارد تغطي هذا الموضوع لكن لو في دخل لينا18 تريليون جنيه موازنة كنا... ماكناش هنعمل كده.
وتابع الكلام ده ينطبق علي كل القطاعات الخدمية لناس بتشوفها ولناس بتتقدم لها... أنا بس بقولكم الكلام ده كبداية لينا علشان نبقي عارفين احنا رايحين فين علشان كده كان لابد من اتخاذ إجراء في مسار الاصلاح الاقتصادي في بلادنا علشان نوقف علي أرضية الحقيقة لبدء بناء دولة قوية من منظور اقتصادي في تكليفه كبيرة بتدفع.. طبعا... علي المستوي الشعب... صحيح.
وأضاف السيسي لابد من شبكة الحماية الاجتماعية اللي لابد إحنا نسمع منكم إيه اللي اتعمل فيها.. تخفف من علي الناس قسوة هذه الإجراءات اللي إحنا بنتكلم فيها.
وتابع السيسي إوعوا تفتكروا الكلام اللي بقوله ده يخوفكم يا مصريين وتقولوا انت كده قلقتنا.. لا, أنا حبيت بس أحط النقطة دي قدامكم وأتكلم معاكم بمنتهي الصراحة والوضوح متخافوش أبدا غير إن انتم تختلفوا وتتنازعوا... فتفشلوا وتذهب ريحكم, خليكم كده إيد واحدة, وتقابلوا التحديات بالعمل وبالأمل.