إحنا شلنا اسمه في السويس وراجل اللي يرجعه تاني..الشعب يريد تكسير أي يافطة عليها اسم المخلوع

"اسم المخلوع هيتمحي من مصر غصب عن التخين فيكم، بعد حكم قضاءنا بإلغاء حكم رفع اسم مبارك من الميادين والمنشآت العامة، قررنا إحنا شباب مصر، أننا هنتحدي الحكم ده احترامًا و تكريمًا لشهداء ثورتنا المجيدة، و كل واحد هيشوف يافطة عليها أسم المخلوع هيكسرها أو هيشخبط عليها بإسبراي".
جاءت هذه الكلمات في افتتاحية حملة أطلقها شباب غاضب على موقع التواصل الاجتماعي "فيسبوك" عقب الحكم بإلغاء حكم "أول درجة" برفع اسم مبارك عن المنشآت العامة والميادين، تحت مسمى "الحملة القومية لتكسير أي يافطة عليها إسم المخلوع".
وقد أثار الحكم موجة من السخط العام على "فيسبوك"، الذي واجه سيلا من التعليقات المناهضة للحكم، ومنها:
-لما هما من دلوقتي مش عارفين يشيلوا اسمه من الشوارع أمال هيعملو ايه معاه هو؟
-الإزالة فيها تكريم يا مبارك..اللي زيك ما يستحقش غير إن أسمه يتكسر و يتداس عليه.
-مفيش صورة رئيس هتتحط على أي منشأة تاني.. مصر للمصريين مش لأشخاص مهما كانوا هما مين.
-إحنا شلنا اسمه في السويس وراجل اللي يرجعه تاني.
-عيب كدة؟ المخلوع ده مخلووووع بإرادة الثورة، مش بحكم قضائي، عشان ييجي قاضي يقول يفضل اسمه على المنشآت.
-بكرة يجي قاضي تانى يحكم بعدم قانونية تخليه عن الحكم، واللي موش عاجبه، نقوله عيب كدة وما ينفعش ولازم نحترم أحكام القضاء