التليفزيون المصرى يتمسك بمنع عرض أغنية "إزاى" لمحمد منير

مازال التليفزيون المصري يأخذ موقفا مضادا من أغنية الفنان محمد منير "إزاى" بالرغم من بدء إذاعتها على العديد من القنوات الفضائية خلال اليومين الماضيين، فالأغنية كان منير قد انتهى من تسجيلها منذ فترة طويلة، إلا أن رقابة التليفزيون رفضت إذاعتها بسبب ماتحتويه كلماتها من شرح لمعاناة المواطن المصري، في كل مايعيشه من أحداث في الفترة الأخيرة وتقول كلمات الأغنية:
إزاي ترضيللي حبيبتي
أتمعشق في اسمك وإنتي
عمالة تزيدي في حيرتي
ومنتش حاسة بطيبتي إزاي
مش لاقي في عشقك دافع
ولاصدقى فى حبك شافع
إزاي أنا رافع راسك
وإنتي بتحني في راسي إزاي
أنا أقدم شارع فيكى
وأمالك من اللى ماليكى
أنا طفل أتعلق بيكى
فى نص السكة وتوهتيه
أنا لو عاشقك متخير
كان قلبى زمانه اتغير
وحياتك لفضل أغير فيكى لحد مترضى عليه
إزاي ترضيللي حبيبتي
أتمعشق في اسمك وإنتي
عمالة تزيدي في حيرتي
ومنتش حاسة بطيبتي إزاي
مش لاقي في عشقك دافع
ولاصدقى فى حبك شافع
إزاي أنا رافع راسك
وإنتي بتحني في راسي إزاي
إزاى سايبانى بضعفى
طب ليه مش واقفة فى صفى
وأنا عشت حياتى بحالها عشان ملمحش فى عينك خوف
وفى بحرك ولا فى برك إزاى أحميلك ضهرك
وأنا ضهرى فى آخر الليل دايما بيبات محنى ومكشوف
أنا أقدم شارع فيكى
وآمالك من اللى ماليكى
أنا طفل أتعلق بيكى
فى نص السكة وتوهتيه
انا لو عاشقك متخير
كان قلبى زمانه اتغير
وحياتك لفضل أغير فيكى لحد مترضى عليه
إزاي ترضيللي حبيبتي
اتمعشق في اسمك وإنتي
عمالة تزيدي في حيرتي
ومنتش حاسة بطيبتي إزاي
مش لاقي في عشقك دافع
ولاصدقى فى حبك شافع
إزاي أنا رافع راسك
وإنتي بتحني في راسي إزاي.
وليست هذه المرة الأولى التى يتعرض فيها محمد منير لقيود من قبل الدولة فخلال العامين الماضيين منع منير من إقامة حفلاته السنوية المعتادة بدار الأوبرا المصرية خوفا من احتشاد جمهوره وخروجه في مظاهرات ضد سياسة الدولة نظرا لحالة الحماس التى يشعها منير دائما في حفلاته واحتشاد ما يقرب من 60 ألف شخص بها وكان السبب الذى ترد به الأوبرا دائما على إلغاء حفلات منير هو "دواعٍ أمنية".